Bakaanelabu 9:39 - Jola-Kasa

³⁹ Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.

Bakaanelabu 9:39 Referencias Cruzadas

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 26:11

Mata fan jibaj nanoonan esukateen li bukuluul, bale ínje let ilako li bukuluul nanoonan.

Maak 14:8

Anaalaawu lakankaan wahawu wan ayilimuu akaan. Layansaan aheeñen eniilayi yúmbaam akat to boot bil li kahokaku kúmbaam.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Saŋ akiic homuu 12:8

Fan jibaj nanoonan esukateen li bukuluul, bale ínje ilet ilako li bukuluul nanoonan.

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Bakaanelabu 1:13

Nan kúliiŋumuu Yeelusalem, li kuŋito kujow kulako li káfitaku dán kuwoogemuu. Káfitaku unku haatiya eluuf kulakowe. Kalako tomuu buko kommuu umbuke: Fiyeel, Saŋ, Saak li Andele, Fílib li Toma, Baatilime li Máciya, Saak an Alife abukumuu, Simoŋ alakomuu li hujojahu haaneyimuu Selot li Súd ata Saak.

Bakaanelabu 20:35

Líhiisuuhiis li wahawu feh kaanaku joote jilok loon muñaˈa, min jilamben kusukateenaku, ban li uwayil̥owaal kulimaku kan Amaaŋenawu Yéesu humumool alobumuu: “Kasen wah an lahaŋ mabaj ésuumahukow, an baseneyi wah.”»

Bakaanelabu 6:1

No unnu, kúgoomaku li kuhaŋ mameeŋ. Muñeˈe Kusuwifaku káyinenumuu li Yéesu ban li kunaak kulob kugilekaay, li súumaatiyiil li Kusuwifaku kaabuku káyinenumuu li Yéesu ban li kubuki li etaamayi yata Falesitiin. Kunaanaak koon Kusuwifaku kata Falesitiin kujokut kanaalaabuku kooliil kahokumuu kúyiniil, loon kujokumuu kooliil nan kugambulenemuu hunakoohunak hutiñahu.

Bakaanelabu 8:2

Kánayine káyinene li Ateemit li kubil kuŋa’ Ecen kujow kuhok, ban li kul̥okool ŋáa’.

Bakaanelabu 9:41

Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.

2 Kata Koolent 8:12

Li mal̥egenamu, ukaan tomuu buyinumi min usen wah li kayinoo kajake, Ateemit fan ayab wahawu wan usenumuu. Fan ajuke li wahawu wan ubajumuu, bale inti li wahawu wan ubajutumuu.

Kata Efées 4:28

An anaakumuu ákuwet, li akat ékuwetayi. Laate alok li kuŋenool min ábajum to wah boot li buloŋool, li álambenum tó foof an an tooke kalamben.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 4:13

Kutuyom, jifañut min bukuluul jilako to loon muñaˈa bahaasut mata bukanabuku kaketemuu, jakum bil jíyiyenoo loon bukan kaabuku kan emmuu buko kubajut húkangum.

1 Tímote 5:3

Ucookoo kanaalaabuku kahokumuu kúyiniil, kabajutumuu li mal̥egen kulambena.

1 Tímote 5:5

Anaale ahoke áyinool ban abajut an áami li acookoolool, li Ateemit lákangume. Let akat kal̥awool li kayaakoolool etihunaka aban ehuka min alambenool.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.