Filemoŋ 1:12 - Jola-Kasa

¹² Muñeˈe boot min ílaañenuliwool, okila ammuu bugeb bata ínje humumom.

Filemoŋ 1:12 Referencias Cruzadas

Maak 11:25

Nan jommuu jiyito boot kal̥aw wah Ateemit, nokoomuu loon babbaj an an jibajoole, jibonket anawu ummu kayitee Atuubawuul ammuu li emitayi li abonket foof uhoofoolawu wooluul.

Hulimahu Hásuumaahu loon Lík akiic homuu 15:20

Mal̥egen añiilawu li ayito alaañ boot bata atuubawool. «Nan añiilawu abilumuu abil, atuubawool li aŋandenool okila baloŋe li áloyi eluufayi, li áyiyenool ŋáa’. Li atey ajow kufam. Alíiŋ li aŋa’ kuŋenool agaabool ban li asaafool li ésuumahukow ló.

Kata Efées 4:32

Anoowan li bukuluul laate ásuum li afaalool, ban li jíbooliwoo. Jibonketoo loon Ateemit abonketuulumuu humum hata hujokoolahu hooluul li Kilisita.

Filemoŋ 1:11

Naanaŋ Onéesim ájaliŋuti maayeet, bale muñeˈe lájaliŋolajaliŋ, awu lí ínje.

Filemoŋ 1:13

Lifañeene min ítukool eeken téetiwom, min akaanom wahawu wan awu ooteenumuu ukaanom, láale dán emmee li hukul̥ mata Hulimahu Hásuumaahu húji.