Huni pepabu dayakubainaibu manakuti pepa bitã hiwea kayabi hayashãkanikiki. Hakia huni txakabubu daya peama kanemisburã, hatũ manakuti birã, txakabui pikumisbuki.
Provérbios 21:21 - Kaxinawá Bíblia (BR) Tsuara hiwei pekaini ana txakabukatsi ikama pepa bestikĩ hatu uĩmaiwẽ taea hakiri hãtxa peaibu nĩkai haska hiwea betxipaimis hayashanikiki. |
Huni pepabu dayakubainaibu manakuti pepa bitã hiwea kayabi hayashãkanikiki. Hakia huni txakabubu daya peama kanemisburã, hatũ manakuti birã, txakabui pikumisbuki.
Yunuti hãtxa pepa kushipa txibãkubaini hiwea kayabi anu kashanikiki. Hakia txakabu akaibu txibainã, hawẽ taea mawa kayabi anu kashanikiki.
Haska huni txakabubũ shinã pewama hiwekubainaibu Senhor Deusũ hatu danãkĩ betxipaismaki. Hakia huni pepabũ pepa txibaĩ hiwei pekubainaibu Senhor Deusũ hatu betxipaimiski.
Senhor Deuski mesekĩ hawẽ hãtxa nĩkai hawa keĩsbuma pe hiweaibuwẽ taeshunã, Senhor Deusũ hatu manakukĩ mabuya wakĩ hawenabu hatu kẽwãmakĩ hatu pe hiwemakubaĩmiski.
—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.
Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.
Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.
Jesus besti txibãkatsis ibiai ẽ pepai keyuriama inũ ẽ tapĩ keyuriamariki. Hakia pepa besti ẽ ikũkaĩshanũ Jesus Cristõ ea abukĩ ea katuniwẽ taea hawẽ xinã txibaĩ pepatã haki nukukatsis iki heneama manai ẽ txĩtũkiranamaki.
Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.
Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.
Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.
Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.
Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.