Provérbios 11 - Kaxinawá Bíblia (BR)

¹ Hawẽ balançawẽ tana pewamarã, Senhor Deusũ danãkĩ betxipaismaki. Hamẽ hawẽ balançawẽ tana pewamisrã, Senhor Deusũ betxipaimiski.

² Tsuara ibubis kẽbiamis hawara txakabu ashiã tashniaya dakeshanikiki. Hakia habu ibubis hawa keĩsbumarã, unanepaki.

³ Huni pepabũ hatũ beya pepa tapĩtã txibãmisbuki. Hakia huni txanitxakamisbũ ibubis txakabuwakubaini hawẽ txani hãtxawẽ taea yamamisbuki.

⁴ Senhor Deusũ hanu unãti wakĩ hatu kupiaitianã, tsuara mabu itxapayabia hawa hatu merabewatirumaki. Hakia tsuara hawẽ yunutiwẽ parananãma ikũkainairã, mawa kayabi anua Senhor Deusũ hatu pashawashanikiki.

⁵ Huni pepabũ kaneaibũ ha yunuti pepatũ hatũ shinã hatu kayatapĩmakubaĩmiski. Hakia huni txakabubũ kanekĩ hatũ txakabuwẽ ibubis ana pikumisbuki.

⁶ Huni pepabũ yunuti pepa shinaĩ txakabu anua pashamisbuki. Hakia parananaĩ huni betsã hawara bianũ ika hawẽ kemumisburã, hatũ txakaburã, hawẽ yabukua keskaki.

⁷ Hamẽ huni txakabu hiweshũ hamapai tibi itxawanũ ishũ shinãbiamisbu mawai hakimai dasibi keyushanikiki.

⁸ Huni pepabu tsuãra hatu bika tenemaibu Deusũ hatu pashawakĩ merabewatã hanushũ huni pepatũ shãtukũ huni txakabu Deusũ hatu bika tenemamiski.

⁹ Huni txakabũ habe hiweabu hawẽ hãtxa bestiwẽ hatu nuitapawamisbuki. Hakia tsuabura hatu itxakawabiabu unanepa hãtxawẽ pepabu ibubis mekei pashatirubuki.

¹⁰ Huni pepabũ hatũ daya pepawẽ hamapai itxawaibũ mae anu hiwea dasibibu benimakubaĩmisbuki. Hamẽ txakabubu mawaibũ mae anu dasibi hiweabu benimai besimisbuki.

¹¹ Huni pepabũ hatũ hãtxawẽ hatu merabewakĩ hatũ mae pewakĩ ewawakubaĩmisbuki. Hakia huni txakabubũ hãtxa txakabuwaiwẽ taea hatũ mae txakabuwaya yurabũ henebaĩmisbuki.

¹² Pe shinaĩsbumã hatũ haibuaibuki hãtxa txakabumisbuki. Hakia unanepaburã, haska shinaĩ hãtxaisbumaki. Pes bestikubaĩmisbuki.

¹³ Huni txanikepatũ hawa huneama dasibi hatu yuibaũmisbuki. Hakia huni pepatũ hawara hune nĩkatã hawa hatu yuiama mekekubaĩmisbuki.

¹⁴ Shanẽ ibu yununika pepamakẽ ha txibaĩ hawenabu babui petirubumaki. Hamẽ shanẽ ibũ hatu meke pewakinã, hawẽ merabewanika unanepa itxapabũ merabewakĩ yusĩ pewabu hatu nĩkatã hawenabu hatu piskumatiruki.

¹⁵ Huni betsã hatu pei biãyukatsis ikai inãbumakẽ tsuãra yubatã inãmaimarã, harã, nuitapashanikiki. Hakia tsua haska shinãmakĩ amaismarã, unanuma hiwetirubuki.

¹⁶ Aĩbuaibu duapa pepabu betxipaikĩ hatu kẽwãkubaĩmisbuki. Hakia tsuara yurabuki hawa dateama hawẽ hãtxa kushipawẽ hatu mesewatã pei itxapa bi bestimisbuki, tsua hatu kẽwãmamarã.

¹⁷ Tsuara nuikipakĩ hatu merabewamiswẽ taea ibubis pe hiwekũkaĩriamiski. Hakia tsuara hatuki sinatai hatuwẽ nuisbumawẽ taea ibubis hiwe txakariakubaĩmisbuki.

¹⁸ Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

¹⁹ Yunuti hãtxa pepa kushipa txibãkubaini hiwea kayabi anu kashanikiki. Hakia txakabu akaibu txibainã, hawẽ taea mawa kayabi anu kashanikiki.

²⁰ Tsuãra txakabu besti wanũ, iwanã, shinãmisbu Senhor Deusũ hatu betxipaiama danãmiski. Hakia tsuãra hawa txakabu meisma pe besti hiwekubaĩmisbu Senhor Deusũ hatu uĩ benimahairamiski.

²¹ Txanima kayabi huni txakabubu hanu hatu kupiaitiã hani pashatirubumahairaki. Hakia pepabu hawa hatu kupiama hawama kaĩbaini pashashãkanikiki.

²² Aĩbu hawẽruabia hawa tapĩkĩ pe shinaĩsmarã, hamẽki. Ina yawa hawẽrua wakatsi ha mane ouro meitxikiti karuhairawẽ hamẽ deuwatirubu keskarã.

²³ Huni pepabũ haska betxipaimis akinã, pepa tashnimakubaĩmisbuki. Hakia huni txakabubũ hawa shinãma haska betxipaiai akĩ hatu sinatamamisbuki.

²⁴ Tsuabura hawa yaushiama hawẽ hawara pashkatã inananãmisbu hatu inãmisbu binumakĩ itxapa bikubaĩmisbuki. Hakia inananãma yaushimisbu hawa hayamai nuitapamisbuki.

²⁵ Hawara haya yaushiama pashkatã hatu inaĩwẽ taea hatũ hawara Deusũ hatu inãkubaĩmiski. Tsuabũra hawẽ mabu hatu inãmis betsabũ hari inãriamisbuki.

²⁶ Tsuabũra hawẽ shekiwã trigo hawẽ karu ana shekeshanũ, iwanã, yaushiai keskakĩ mekekĩ aruyukẽ hakiri hãtxa txakabu yuimisbuki. Hakia tsuabũra hawẽ shekiwã trigo hawẽ karu shekema peiwẽ hatu inananãmisbu hatu duawamisbuki.

²⁷ Tsuãra pewẽ hatu merabewakĩ duawaya haska aki pe hiwea uĩtã betxipaishãkanikiki. Hakia tsuabũra txakabuwakubainaibu habia hawẽ txakabũ hatu atxishanikiki.

²⁸ Mabu itxapa haya ha bestiwẽ hiwenũ ikubaĩmisbu ni pei shanatã niri imis keskabuki, benuirã. Hakia hi hawẽ pei niri iki keyubiatã ana hukũkirãmis keskai huni pepabu bika tenebiatã ana hawa teneama pe besti hiwekubaĩtirubuki.

²⁹ Hawenabube hiwea merabewakĩ hatu pe mekeama pashkakainima hawa hayama ishanikiki. Hanua unaĩsmapaburã, unanepabũ hatu tsuma wakubaĩmisbuki.

³⁰ Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

³¹ Na mai anu hiweabu pepabũ hatũ manakuti pepa biaibũ habũ Deusũ hãtxa nĩkaisbuma inũ txakabuwamisbu hatu manakukĩ haska betxipaimisbu txakabuhairawẽ hatu kupishanikiki.