Provérbios 11:28 - Kaxinawá Bíblia (BR)

²⁸ Mabu itxapa haya ha bestiwẽ hiwenũ ikubaĩmisbu ni pei shanatã niri imis keskabuki, benuirã. Hakia hi hawẽ pei niri iki keyubiatã ana hukũkirãmis keskai huni pepabu bika tenebiatã ana hawa teneama pe besti hiwekubaĩtirubuki.

Provérbios 11:28 Referencias Cruzadas

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Provérbios 10:15

Huni mabuyabunã, tsuãra hatu txakabuwaibu hawẽ peiwẽ pakakĩ hatu nematirubuki. Hakia nuitapaibu tsuãra hatu txakabuwabu hawaumawẽ taea hawa hatu nematiruma hawawẽ pashatirumaki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Lucas 12:20

hanushũ Deusũ yuikĩ: “Haskamaki. Haska mĩ yuiairã, mĩ unãmahairaki. Na habia mexu merã mĩ mawaya ha mĩ mabu mĩ pewakĩ keyushurã, tsuabũra pashkashãkanikiki”, akĩ yuitiruki.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.