Provérbios 11:13 - Kaxinawá Bíblia (BR)

¹³ Huni txanikepatũ hawa huneama dasibi hatu yuibaũmisbuki. Hakia huni pepatũ hawara hune nĩkatã hawa hatu yuiama mekekubaĩmisbuki.

Provérbios 11:13 Referencias Cruzadas

Provérbios 10:19

Tsuãra hawara tibikiri yui hãtxa txakayamakinã, kanekubaĩmisbuki. Hakia unanepaburã, mawaira hãtxaisbumaki.

Provérbios 11:12

Pe shinaĩsbumã hatũ haibuaibuki hãtxa txakabumisbuki. Hakia unanepaburã, haska shinaĩ hãtxaisbumaki. Pes bestikubaĩmisbuki.

Provérbios 12:23

Tapĩhairanika ibubis kẽkĩ hawara shinãkĩ unaĩ shabakabi hawaira hatu tashnimashuĩsmaki. Hamẽ unaĩsmapabũ hawa shinãma hawara hãtxa pema yuibaũmisbuki.

Provérbios 14:5

Tsuãra hawara ikaibu ibubis uĩtanã, txanitxakama yui kayabitirubuki. Hakia tsuãra uiãmabia kaka besti nĩkatã txanitxaka bestimisbuki.

Provérbios 19:11

Bebũkiri shinã pewakubaĩmistũ sinatai taebiatã hawaira ibubis daemisbuki. Hakiri hãtxai pemisbuwẽ taea haki ha ibiabu ana shinãma ibubis hatu hakimawai pe bestikũkaĩmiski.

Provérbios 20:19

Matxupa yuanãtũ ikaibu hawaira kaka pawabaũmisbuki, hawa hatu huneshunamarã. Haskabuberã, hatube ibunanãyamakubaĩkãwẽ.

Jeremias 38:27

Zedequias Jeremiasbe hãtxashina nĩkatã shanẽ ibubu beshmasbu dasibibũ uĩtanũ ika Jeremias anu bushũ yukati betsa betsapa yukabiakubainabu, haska Zedequias ma yunushina besti Jeremiasĩ hatu yuia hatũ hãtxa tsuã nĩkama ishiãwẽ taeshũ Jeremias hawa wama unanuma henebainabu

1 Timóteo 5:13

Haska inũ, yushaburiama hatũ piti inũ hatũ mabu inãkĩ mã hatu merabewaiwẽ taea haska besti bi ana dayakatsi ikama hiwe tibi anu besti hikikũkauni txikix pikutirubuki. Ha txikix pikuimarã, haska bestiama hiwe betsa tibi anu tsaushũ hatubetã txani yui inũ betsabuki txanitxakakĩ haska txani yui beyatirubuki, haskai txakabui pikuirã.

Josué 2:14

hawẽ hãtxa betxipaikĩ betsã yuikĩ: —Mĩ nukukiri hawa hatu yuiama nuku tenãbumawẽ taea mia inũ minaburi mã mawama ishanaii, nukũ hiwea inananaĩ keskairã. Na mai pakea inũ mĩ mae Senhor Deusũ nuku ibu wamaya miwẽ nuikĩ nũ mia duawashanaii, mia parãmarã— aka

Josué 2:20

Hakia ha dikabi nukukiri mĩ shanẽ ibu mĩ yuiairã, haska nũ mibe yubakashu nũ mia apanã haska mĩ txanitxakai unãtã nũ mia merabewama itiruki— aka