Provérbios 11:18 - Kaxinawá Bíblia (BR)

¹⁸ Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Provérbios 11:18 Referencias Cruzadas

Êxodo 1:20

haskakẽ bake kaĩmanika aĩbuaibu Deusũ hatu merabewaya hanua Israelĩ enabu pai kushipai ana itxapahairakubainaibũ

Provérbios 1:18

Hakia ha huni txakabubũ hatu tenãkatsi ikĩ birũwã keska wakinã, ibubis hatũ hiwea mese wakĩ amisbuki.

Provérbios 10:16

Huni pepabu dayakubainaibu manakuti pepa bitã hiwea kayabi hayashãkanikiki. Hakia huni txakabubu daya peama kanemisburã, hatũ manakuti birã, txakabui pikumisbuki.

Provérbios 22:8

Tsuãra txakabuwakubaĩkĩ txakaburi tenekĩ mekubainaibũ hanushũ Senhor Deus hatuki sinatakĩ hatu yamawashanikiki, hawẽ mestẽti kushipawẽ hatu kushakinã.

Provérbios 5:22

Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.

João 4:36

Tsuabũra hatu itxawakĩ hawẽ manakuti pepa bikanikiki, hatũ hiwea ikibi ika bikinã. Haskakẽ tsuabũra mibã bana bimi huxiaĩ hatu tseka keska waiburã, haburi benimakanikiki.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Santiago 3:18

Haska unãnuma mã hatu hiwetãkubainai ha unãnumawẽ taeari yura betsabu unãnepariakĩ shabakabi hatu uĩmariakĩ pe besti mã hatu uĩmakubaĩtirubuki.