Provérbios 11:20 - Kaxinawá Bíblia (BR)

²⁰ Tsuãra txakabu besti wanũ, iwanã, shinãmisbu Senhor Deusũ hatu betxipaiama danãmiski. Hakia tsuãra hawa txakabu meisma pe besti hiwekubaĩmisbu Senhor Deusũ hatu uĩ benimahairamiski.

Provérbios 11:20 Referencias Cruzadas

Salmos 51:6

Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.

Provérbios 11:21

Txanima kayabi huni txakabubu hanu hatu kupiaitiã hani pashatirubumahairaki. Hakia pepabu hawa hatu kupiama hawama kaĩbaini pashashãkanikiki.

Provérbios 12:22

Habu txanitxakamisbu betxipaiama Senhor Deusũ hatu danãmiski. Hakia tsuabura hawa txanitxama yui pewakubainaibu hatu uĩ hatuwẽ Senhor Deus benimahairamiski.

Provérbios 13:6

Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.

Provérbios 14:9

Unaĩsmapaburã, kanei kashekenãmisbuki. Hakia huni duapaburã, hatube haibunamekĩ hatu merabewakĩ hatu benimawakubaĩmisbuki.

Provérbios 15:26

Huni txakabubu yubakaibu Senhor Deusũ hawa betxipaiama hatu danãmiski. Hakia habũ hãtxa txakabu yuisbuma hatũ hãtxa pe bestiwẽ Senhor Deus benimakũkaĩmiski.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 21:29

Huni txakabubu datebiai bemakis mestẽ pe itsai mapumisbuki. Hakia huni pepabu hawa shinã txakabuwaismawẽ taea dateama hiwekubaĩmisbuki.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Provérbios 9:7

tsuara merabewakatsis ikĩ hatu pewabiabu huni txakabubu hawaira sinatamis hawa haska tapĩkatsi ikama haki hãtxa txakabuhairai haki kashe bestitirubuki.