Filipenses 3:12 - Kaxinawá Bíblia (BR)

¹² Jesus besti txibãkatsis ibiai ẽ pepai keyuriama inũ ẽ tapĩ keyuriamariki. Hakia pepa besti ẽ ikũkaĩshanũ Jesus Cristõ ea abukĩ ea katuniwẽ taea hawẽ xinã txibaĩ pepatã haki nukukatsis iki heneama manai ẽ txĩtũkiranamaki.

Kashinawa : Diosun Jesúswen taexun yuba bena yiniki

¹² Jesús besti chibankatsis ibiai en pepai keyudiama inun en tapin keyudiamadiki. Jakia pepa besti en ikunkainxanun Jesucriston ea bechipaikin ea katuniwen taea jawen shinan chibain pepatan jaki nukukatsis iki jeneama manai en chintunkidanamaki.

Filipenses 3:12 Referencias Cruzadas

Salmos 42:1

Ni txashũ ũpash manui hene benai kamis keskai Senhor Deusuũ, haska keskariakĩ ẽ mia benakubainaii.

Salmos 63:8

Ẽ hiwea hirabirã, ẽ miki dasiaki. Mĩ ea haska wawẽ taeshũ mĩ mekẽ yusiuriawẽ ea tsuma mestẽwãtã mĩ ea putaismaki.

Salmos 84:2

Mĩ tari hiwe hemaĩtĩ kenekauana merã hanu hikia haska mia betxipaihairai ẽ hari hanus ikatsis ikaii. Benima txakayamai ẽ huĩti hirabiwẽ mĩ Deus hiwea kãtakĩ ẽ kẽwãmiski.

Provérbios 4:18

Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 8:39

Haska inũ, hawara kuxipabu manaũrishũ inũ namã uke merã mai merãshũ inũ, habu Deusũ hatu damiwanibũ haska xarabũ nuku dapashkamatirubumaki. Nukũ Shanẽ Ibu Jesus Cristo Deus hawẽ nuiai hawa dapashkamama ini nuku uĩmanishũ nukuri abukĩ hawẽ nuiwẽ nuku hawa dapashkamari ishanikiki.

1 Coríntios 13:10

Haskakẽ Jesus habi ma hukẽ dasibi hanushũ ana huneamakẽ hakiri tapĩkĩ nũ unãkĩ keyushanaii.

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

1 Coríntios 9:24

Hamẽ matuburã, beyusi itxapa kuxibaini hawairabainaibu bestitxaitũ hatu binutã maemamis mã unaiĩ. Ha bestitxaitũ hatu binukĩ keyutã hawara pe bimis keska wakĩ Jesus ikũwãtã duawakĩ nĩkahairai txĩtuãma ha besti txibãkubaĩkãwẽ, haska keskai matu tibi mã pe hiweawẽ taeshũ hau Deusũ matũ pepawẽ taeshũ matu manakushanunã.

2 Coríntios 13:9

Haska inũ, Deusũ matũ xinã kuxipa waya hau niti ikama mã pepaki nukunũbũ nũ babubia benimakĩ Deus nũ matu yuka heneshunama ikũkainaii.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 5:17

Hakia hawara txakabu mã abuai Deusũ Yushĩ Pepatũ danãmiski. Haska inũ, hawara hawẽ Yushĩ Pepatũ abuai txakabũri danãriamiski. Ha dabe binunãnaĩbũ maturi pepapaikĩ haratura mã heneama mã kanemiski, ibubisrã.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 4:12

Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Filipenses 3:16

Nũ ma haska tapĩmaburã, haskas xinãkĩ betsa wama txibãkubaĩkĩ heneyamanãkãwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Hebreus 12:23

Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro