Hebreus 12:14 - Kaxinawá Bíblia (BR)

¹⁴ Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Kashinawa : Diosun Jesúswen taexun yuba bena yiniki

¹⁴ Ja inun, tsuabuda dasibibube man unanuma jiwekatsis ikaidan, nuikipakin dasibi nukun Xanen Ibun yusian chibain pepa besti jiwekubainkanwen. Jamen man pepai jiweismadan, jaskatan nukun Xanen Ibuki dasitan man jiwetidubumaki.

Hebreus 12:14 Referencias Cruzadas

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Marcos 9:50

Tewerã, nami txaputima wati inũ nami meketibia payukui keyumiski. Matubunã, Deusũ hãtxa mã unaĩbuwẽ taeshũ matunabu yusĩ mã tewe batawẽ meketi keskabuki. Hakia haskai tewe hawẽ bata keyu bumis ana meketiruma keskama Deusũ hãtxa nĩkakĩ pewatã ea txibaĩbube merabenaĩ unãnuma hiwekubaĩshãkãwẽ— hatu anikiaki.

Lucas 1:75

haska pepa kayabiwẽ bestiwẽ meribi pepatã nukũ hiwea hirabiwẽ mia bebũ nũ pe nikatsis ikaii, itã

Romanos 12:18

Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

1 Coríntios 1:10

Ẽ betsabu inũ ẽ puibuũ, nukũ Shanẽ Ibu Jesus Cristõ kuxipawẽ ẽ matu yunuai nĩkakãwẽ. Matũmebi pashkanameama xinã betsa betsapa wama unãnuma Jesus ikũwaĩbube hiwekubaĩkãwẽ.

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Filipenses 3:12

Jesus besti txibãkatsis ibiai ẽ pepai keyuriama inũ ẽ tapĩ keyuriamariki. Hakia pepa besti ẽ ikũkaĩshanũ Jesus Cristõ ea abukĩ ea katuniwẽ taea hawẽ xinã txibaĩ pepatã haki nukukatsis iki heneama manai ẽ txĩtũkiranamaki.

1 Tesalonicenses 3:13

Haskawẽ taea nukũ Shanẽ Ibu Jesusũ matu xinã mestẽwãkĩ matũ hamapai txakabu beshtenishũ mã hawenabu hawa txakabu matukiri metutirubuma mã hiwekẽ hatiãra nukũ Shanẽ Ibu hawẽ tsumabube ana huaitiã nukũ Epa Deus bebũ mã nia hau matu uĩshanũ haska matukiri ẽ xinaiĩ. Haskakirã.

1 Tesalonicenses 4:7

Hakia nũ haska txakabui atimapakũkaĩmis Deusũ abuismaki. Haskawẽ taea nũ pepa bestikubainũbũ hawenabu wakĩ Deusũ nuku katuniki.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

2 Timóteo 2:22

Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.

Hebreus 12:10

Na mai anu nuku hiwemakĩ yumewakĩ nukũ ibubũ yusĩkĩ bika tenemakĩ nuku beshmas pewayunibuki. Hakia nũ Deusunabu meribi wakĩ nuku pewakĩ bika tenemakĩ Deusũ xinãmis keska txanima nukũri nũ xinãkubainũbũ Deusũ nuku pewakubaĩmiski, nuku ha keskari wanũ ikarã.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

1 Pedro 3:11

Hamapai txakabuki hari kemama haskai unãnumakĩ pe besti benakĩ haska txibãkubaĩkãwẽ.

1 Pedro 3:13

Hanushũ mã hawa txakabuwama pe besti ikubainaibu haska watã tsuã matu hawawẽ taeshũ txakabuwatirumaki.

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro

3 João 1:11

Ẽ betsaã, ẽ miwẽ nuiairã, beya txakabu txibãma beya pepa besti akubaĩwẽ. Tsuãra beya pepa akaiburã, Deusũ enabuki. Hakia tsuãra beya txakabu akaiburã, Deus unãbumaki.