1 Coríntios 15:58 - Kaxinawá Bíblia (BR)

⁵⁸ Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

Kashinawa : Diosun Jesúswen taexun yuba bena yiniki

⁵⁸ Jaskaken en betsabu inun en puibuun, jawada nukun Xanen Ibun matu yunua jeneama akin man jamen dayama man unainwen taea Jesús chibain chintuanma shinan betsa wama nukun Xanen Ibuki xukua pejaida dayakin apakekanwen.

1 Coríntios 15:58 Referencias Cruzadas

Salmos 19:11

Ha dikabi mĩ yusiãwenã, mĩ tsuma ea pewakĩ mĩ ea nemamiski. Mia nĩkahairatã mia ashuaĩburã, pehairawẽ mĩ hatu manakumiski.

Salmos 73:13

Ẽ huĩti hawa txakabumabia ea hawa merabewamaki. Txakabu betsa betsapa mekĩ ẽ huĩti inũ ẽ mekẽ detsismabiakẽ

Provérbios 21:21

Tsuara hiwei pekaini ana txakabukatsi ikama pepa bestikĩ hatu uĩmaiwẽ taea hakiri hãtxa peaibu nĩkai haska hiwea betxipaimis hayashanikiki.

Marcos 3:3

huni mekẽ meyuxki betxitã Jesusũ yuikĩ: —Benikirã ha maniabu namakis niwe— aka benia nikẽ

Lucas 19:19

hari yuikĩ: “Haskakenã, miãri cinco mae hati mekei ea shanẽ ibushũyuwe”, ariaya

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

1 Coríntios 3:8

Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 4:11

Mã haskawẽ taea hamẽ dayakĩ ẽ matu merabewama ikimamẽkaĩ? ika ẽ dateaii.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Filipenses 1:9

Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Filipenses 2:30

Tsuã mã ea haska watirubumahairabiakẽ Epafrodito ewẽ taea hawẽ hiwea yauxiama mesebiakẽ Cristo dayashunaiwẽ taea ea merabewai huima isĩ paepa bitã mawakĩ txanima nuku shunũkeanimaki.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 2:5

Haska inũ, ẽ yura ẽ matubemabia ẽ xinã matu anuki. Mã ma Cristo ikũwãnishũ hawẽ daya ashũkĩ txibãkubaĩkĩ mã pewai mã ma pekẽ matuwẽ nui ẽ benimaii.

Colosenses 2:7

Haska matu yusĩmisbu txibãkĩ bari tibi heneama ana uke merã ikũhairawakubaĩkĩ Cristokiri tapiĩ ewakaĩkĩ matu pepawaikiri Deus kẽwãkubaĩkãwẽ.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.

1 Tesalonicenses 3:3

Ha inũ, habũ nuku itxakawabiaibũ Deusũ nuku hatube hiwemai mã unaĩwẽ taea hamapai bika xarabu mei yumãbiai hawa dateyamakãwẽ.

1 Tesalonicenses 3:5

Matukiria kaka nĩkakatsis ibiai tsua yukatima matu xinaĩ: “Satanásã hatu parã ma txĩtũxinabumẽkaĩ ika datei hamẽ nũ hatu yusĩmamẽkaĩ”, ikĩ eã ẽ ana manatiruma matu anu Timóteo ẽ nitxĩmaki, haskamẽ mã ikũwãkubainai hau nukuki txanikĩ nuku banabimayushanunã.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 6:10

Ha inũ, Jesus ikũwaĩbu betsabu merabewai hatuwẽ nuikĩ abukĩ mã Deus abukĩ Deusũ haska abuai akĩ mã benimawamiswẽ taeshũ hawa kanema matũ pepari hakimama matu duawakĩ matu hawa danãma iriashanikiki, haska natiã mã ariakubainaibuwenã.

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

Rute 1:18

haska Rute shinã pewashu Noemi unãtã hau habe kanũ ana hawa yuiama habe kai