Provérbios 1:32 - Kaxinawá Bíblia (BR)

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 1:32 Referencias Cruzadas

Salmos 69:22

Beyuskĩ hatũ piti pepa hatũ tapuki itxawakinã, haibunãbiakĩ hanubi birũ keska watã hawẽ taea hau bika tenenũbũwẽ.

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 10:21

Huni pepabũ hawẽ hãtxawẽ hatu yusĩkĩ itxapa hatu tapĩmamisbuki. Hakia huni unaĩsmapabũ pepa shinãkĩ katutiruma mawamisbuki.

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Provérbios 2:18

Ha aĩbu hininipatũ hiwe anu tsuara kairã, ha baiwẽ yura mawai bumis keskabuki.

Provérbios 5:22

Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.

Provérbios 8:36

Hakia tsuãra txakabuwakĩ kanetã ea henebainirã, hawẽ hiwearã, ibubis txakabuwashãkanikiki. Hatũ ea danainã, hawẽ mawa betxipaikiki”, anikiaki.

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Provérbios 9:18

ha aĩbu keskatũ hatu kena bumisburã, habu unaĩsmapabu hari pe dabanẽ mawa kayabi anu buaibu hawa unãbumaki.

Jeremias 2:19

Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

Amós 6:1

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Santiago 5:5

Na mai anu yura mabuwãyã hiwearã, matũ mã uĩtirubuki. Hatiriburã, eska bestiwẽ hiweabuki. Tari hawẽrua sawea inũ, mabu hawẽrua besti haya hawẽ besti kemuaiburã, ina awa pitxakayama shuarãwã nia keska ma hanu dete kemabu keska mã hiweabuki.