Jeremias 2:19 - Kaxinawá Bíblia (BR)

¹⁹ Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

Jeremias 2:19 Referencias Cruzadas

1 Reis 18:18

Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.

Êxodo 33:6

Haska hãtxawẽ taea Mati Horebe hawẽ kena betsa Sinai anushũ hatũ mane dau Israelĩ enabũ peka keyunibukiaki.

Provérbios 1:31

Hatũ hiweawẽ shinã txakakĩ txakabu tibi amisbuwẽ taea nuitapai bika tenekubaĩshãkanikiki, hatũ txakabu itxapa yaniwa keskairã.

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 5:22

Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.

Isaías 5:5

Eskaki. Matu yuinũ ea nĩkakãwẽ, ẽ uva bai haska wakatsi hakiri ẽ shinainã. Ẽ hawẽ hatu nemakĩ keneima daka pekati, hau txakabuwanũbunã. Ẽ mishki kenebaunima daka ẽ berãti, hau haki pai pai inũbunã.

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Jeremias 1:16

Nawabũ hatũ yushibu dami watã kẽwãmisbu enabũri ha dami kẽwãkĩ ha bebũshũ sheni ininipa kuakubaĩkĩ ea danãkĩ henenibuwẽ taeshũ ha txakabubu hau hatu kupinũbũ shanẽ ibu txakabubu hatu anu ẽ yunushanaii.

Jeremias 2:17

Na eska nawabũ matu wakinã, ea ẽ matũ mekenika Senhor Deusũ ẽ baiwẽ ẽ matu iyubia ea txibãma mã ea heneabuwẽ taeshũ matu itxakawamisbuki, ẽ ana hawa matu hatu nemashunamarã.

Jeremias 7:19

Hakia eki sinatabiai eki sinatama haskairã, ibubis hatumebi daketapai itxakanikakubaĩmisbuki. Ea ẽ Senhor Deusũ ẽ hãtxa ẽ mestẽwaiĩ.

Amós 8:10

Mã besiaibutiã hanu ẽ matu tenãyã mã bis bis ishanai inũ mã kãtai matu betsa wakĩ mawa beabu mã kasha txakayamashanaii. Minabu mawabuwẽ nui hawẽ punu nuka hawẽ unãmati besha tari sawea nui tenehairai mashtekei mã mawerẽ ishãkanaii. Matũ huni bake bestitxai mawakẽ ana hania bitima nui kasha txakayamai keskai dasibi huĩti nishmai keyushãkanikiki.

Miquéias 1:5

Jacó enabũ Deusũ hãtxa txibãma danãkubainaibu inũ Israelĩ enabu shanẽ ibubũ txakabuwakubainaibuwẽ taeshũ hatu haska washanikiki. Jacó enabũ Deusũ hãtxa danãkubainaiburã, hania ikanimẽkaĩ? Samaria maewã anushũ akanikiki. Judá enabũ mai pakea anushunã, hanishũ yushibu dami kẽwãmisbumẽ? Habia Jerusalém maewã anushũ amisbuki.

Romanos 3:18

Deusũ uĩbiaya hawẽ berubi dateismaki”, hatu haska watã kenenibuki.