Provérbios 1:22 - Kaxinawá Bíblia (BR)

²² “Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 1:22 Referencias Cruzadas

Salmos 1:1

Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

Êxodo 10:3

Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.

Êxodo 16:28

hanushũ Senhor Deusũ Moisés ana yuikĩ: —Ẽ yunuti hãtxa inũ ẽ yusiã hãtxa mã danainã, hatiã mã beshtekeshanai, ẽ ana matuki sinatayamashanunã?

Provérbios 1:21

mae hanu hikikaĩti shui inũ hanu itxamisbu anushũri hatũ yusiã hatu yuikubaĩkĩ:

Provérbios 1:29

“Unanepati hãtxa danãkĩ habũ Senhor Deus hawa duawakatsi ikabumaki.

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 1:4

hawara bebũkiri unãriabuma tapĩ hau unanepashanũbũ, berunãbu shinãmati inũ nĩkaisbuma nemati hatu tapĩmakĩ hawẽ yusĩti hãtxa Salomãonẽ hawenabu haskawẽ hiwetirubu hawẽ kenenika hatu kenemashunikiaki.

Provérbios 1:7

Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.

Provérbios 15:12

Patapa nĩkaisbumã hatũ nemati hãtxa betxipaisbumaki, hatũ shinã besti betxipaikinã. Ha dikabi unanepabu danaĩ hatube dasikatsi isbumaki.

Provérbios 19:29

Huni txakabu hatũ yusiã nĩkama hatuki kashemiswẽ taea hawẽ kushati hi ma haki tana hayamisbuki. Huni tatimarã, kushakĩ pekushtxakayamati peki.

Provérbios 21:11

Ẽhẽ iki yura betsabuki kashemisbu hatu kupiaibũ habũ bebũkiri pe shinaĩsmatũ uĩkĩ hatuwẽ hawenakiri tapĩkubaĩtirubuki. Hakia tsuara yusinanaĩ unanepabũ nĩka bestitã tapĩmisbuki.

Provérbios 21:24

Hawẽ unanepa inũ hawẽ tapinika hãtxawẽ keĩ betsabuki kashekĩ hatu kenamamisburã, “Ha huni hamẽ uĩbaĩ yui txitenamei hãtxa bestimiski”, akĩ yuimisbuki.

Provérbios 22:3

Tsuara bebũkiri shinã pewanikabũ hawara mese uĩkĩ dũkekubaĩmisbuki. Hakia tsuara bebũkiri hawa shinaĩsbumã mese uĩbiai nĩkamas nakubaini hamapai sharabu bika tenekubaĩmisbuki.

Provérbios 3:34

Habu kashekenãmisbu Senhor Deusri hatuki kasheriamiski. Hakia hawa keĩsbuma Senhor Deusũ hatu duawakubaĩmiski.

Provérbios 5:12

hanushũ ibubis shinaĩ: “Ea yusĩkĩ nemabiabu haskakĩ hatũ yusiã ẽ danãkubainimamẽ? Ewẽ nuikĩ ea nemabiabu haskakĩ ẽ hatu nĩkama ikũkainimamẽ?

Provérbios 6:9

Txikishbuũ, haskaira ana ushayamakãwẽ. Mã usharã, hatiã bestẽtã mã beniai?

Provérbios 7:7

berunãbu hawa shinã pepa biriabuma ea daĩbainaibu hatube berunã betsa unaĩsmapahairari kai ẽ betxia

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Números 14:27

—Hatiã ea nĩkashanaibu teneshũ hatu manakubaĩpa, ea yuaĩ eki ha ikaibu ẽ nĩkashuwẽ taea ha Israelĩ enabu txakabu yuananaĩ hãtxawaĩburã?

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Lucas 19:42

yuikĩ: —Hawẽ Deus daewati mã ea unãyã matu kupiama ikeãshãkanikiki. Hakia natiã ikũwãbumawẽ taeshũ hunea keskakẽ xinãkĩ mã ana uĩtirubumaki. Mã peirawa!

2 Pedro 3:3

Na haska dasibi ẽ matuki txaniai mã bebũkiri unãtirubuki. Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ mã ikũwaĩbu matuki kashei ẽ hẽ ibiai

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.