Deusũ hawẽ hãtxa nawa tibi hatu nĩkamaitiã datei saki saki iki hatũ hui dẽke ishãkanikiki. Mai yamakainaya shanẽ ibu tibitũ hatũ kushipa benushãkanikiki.
Joel 2:11 - Kaxinawá Bíblia (BR) hatu bebũ kakĩ hawẽ hui tĩ ikaĩkainai keska hawẽ tsumabu Senhor Deusũ hatu nĩkamakubirani hawẽ yunuti hãtxa nĩkakĩ ashũkĩ menemisbu mirimahaira tsuã tana keyutiruma ishãkanikiki. Hanua Senhor Deusũ hanu kupishanai shaba mesehairatiã hawẽ kushipa uĩkĩ tsuã hawa nemakĩ beshtetiruma ishanikiki. |
Deusũ hawẽ hãtxa nawa tibi hatu nĩkamaitiã datei saki saki iki hatũ hui dẽke ishãkanikiki. Mai yamakainaya shanẽ ibu tibitũ hatũ kushipa benushãkanikiki.
Senhor Deus hawa dateama mẽtsisipa keskai kaĩkirãshanikiki, hatu maematanũ ika detenamenika keskai bebukainirã. Hatu maemanũ ika bui hari sai sai ibaĩmisbu keskakĩ hawẽ hui tashnimashanikiki, haska kaĩkĩ haki sinataibu yamawanũ ikarã.
Egito henewã kesha ukeri txai hiwebaunabu Senhor Deusũ hatu yunua haria ha yurabu ha baritiã txupe beas shãkanikiki. Assíria anu hiweaburi shara beasriashãkanikiki.
Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.
Detenamenikabu kushipa mirima keska shiniwanã, inu betsa leão bene sheta keska inũ leão yushã makushpia keskayatũ dasibi ẽ mai pakea hirabi ma atxi keyuabuki.
Tsuãra Mati Sião anushũ trombeta mawakĩ txã txã akĩ Senhor Deusũ mati meribi anushũ mese huaikiri hawẽ unãmati hatu banabimakãwẽ. Senhor Deusũ hatu kupiaitiã nai kuĩ meshupa inũ nai kuĩ uta shabatiã meshua yamea dakashanai ma kemaiwẽ taea Judá mai pakea anu hiwebaunabu dasibi datei saki saki ishãkanikiki. Detenamenikabu kushipahaira mirima mati matipa anu bebirã bebirani ma penai shabakiranai keska dasibi nati ikabu uĩshãkanikiki. Haskaibu uatiã tsuã uiãma inibu inũ ana haska kaiaĩ unuri ana uiãma ishãkanikiki, ana ha keska betsa tashniama ishanairã.
Senhor Deusũ matu ana yuiai nĩkakãwẽ: “Ha baritiã hau shini mesebũ matũ yunu txakabuwanũbũ matu anu ẽ hatu yunua beshũ matu yamawaĩmabunã, eã ẽ ana matũ yunu inãkĩ hayawashanaii.
Ha haskaitiã bari ana pesheama meshui inũ ushe ana txashamari himi keska ishanikiki. Ẽ bake kushipahairai txashakapa shanẽ ibui hua kemariamakẽ ha hanu kupiaitiã shaba mese atimapa ishanikiki”, matu waya
Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.
Jerusalém anu Mati Sião anushũ tĩ ikaĩkainai keskawẽ hawẽ hui Senhor Deusũ hatu nĩkamaya basi txashuwanẽ pimisbu nukashanai inũ Mati Carmelo mamakia mai tsusĩ metuhairashanikiki.
Matũ Shanẽ Ibu Senhor Deus ha shabatiã hanu hushanai uĩkatsis iki mã mana txakayamabiairã, mã peirashãkãwã! Ha shabatiã hanu haskakirãshanairã, mã unaĩ? Ha haskaitianã, meshu keska txakabu besti ishanikiki, hawa shaba pepa hayamarã.
Txanima hanu Senhor Deus hushanaitianã, hawa shaba hayama, meshu tẽ ikai keska besti ishanikiki, hawa pemarã.
txanima ha shabatiã Senhor Deus hui tashnikiranai tsuã nematiruma ishanikiki. Tsuãra huai uĩ hanu ni txaipatirumaki, hawẽ txakabuwẽ taearã. Nuku pewai huirã, bai kuabu txi here keska hushanikiaki. Nukũ detsis sabão kushipawẽ txuka keska washanikiaki.
hanushũ haska ishanaibu Balaãonẽ ana hatukiriri yuiriakĩ: “Peirawa! Deusũ hatu haska wamayarã, tsua ana hanu hiweshanimẽkaĩ.
Hakia Deus nai anua sai ikĩ hawẽ nai tsuma shanẽ ibu yunua hatũ dasibibu itxawaya Deusũ trombeta hawẽ nai tsumã txã txã akaya nai anua nukũ mekenã Cristo butui shaba putxinĩ nikẽ Cristo ikũwaĩ mawanibu habu dukũ Deusũ ana bestẽwãtã
Habũ txakabuwakubaĩmisbuwẽ taeshũ nukũ Shanẽ Ibu Deus kuxipahairatũ ha maewã aĩbu hininipa keska kupikĩ habias shabatiã yura itxapa tenãkĩ betsabu bika tenemakĩ inũ buni tenemakĩ mae ewapa kuashanikiki. Manayukãwẽ”, iwanã,