Joel 2:1 - Kaxinawá Bíblia (BR)

^1-2 Tsuãra Mati Sião anushũ trombeta mawakĩ txã txã akĩ Senhor Deusũ mati meribi anushũ mese huaikiri hawẽ unãmati hatu banabimakãwẽ. Senhor Deusũ hatu kupiaitiã nai kuĩ meshupa inũ nai kuĩ uta shabatiã meshua yamea dakashanai ma kemaiwẽ taea Judá mai pakea anu hiwebaunabu dasibi datei saki saki ishãkanikiki. Detenamenikabu kushipahaira mirima mati matipa anu bebirã bebirani ma penai shabakiranai keska dasibi nati ikabu uĩshãkanikiki. Haskaibu uatiã tsuã uiãma inibu inũ ana haska kaiaĩ unuri ana uiãma ishãkanikiki, ana ha keska betsa tashniama ishanairã.

Joel 2:1 Referencias Cruzadas

Êxodo 10:14

Egito mai hirabi shinĩ atximakĩ keyubaunaya hati mĩ tanatiruma bei, hati uĩpaunibuma bei hati ana uiãma ishanaibu na habiatiã besti bekĩ

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Joel 1:15

Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.

Joel 2:11

hatu bebũ kakĩ hawẽ hui tĩ ikaĩkainai keska hawẽ tsumabu Senhor Deusũ hatu nĩkamakubirani hawẽ yunuti hãtxa nĩkakĩ ashũkĩ menemisbu mirimahaira tsuã tana keyutiruma ishãkanikiki. Hanua Senhor Deusũ hanu kupishanai shaba mesehairatiã hawẽ kushipa uĩkĩ tsuã hawa nemakĩ beshtetiruma ishanikiki.

Joel 2:15

Mati Sião anushũ trombeta txã txã akĩ nukunabu itxawashũ hatu banabimakãwẽ, hau samakenũbunã.

Joel 2:31

Ha haskaitiã bari ana pesheama meshui inũ ushe ana txashamari himi keska ishanikiki. Ẽ bake kushipahairai txashakapa shanẽ ibui hua kemariamakẽ ha hanu kupiaitiã shaba mese atimapa ishanikiki”, matu waya

Joel 3:14

Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.

Joel 3:17

Senhor Deusũ ana matu yuikĩ: “Ha mã ea anu haskaitianã, txanima ẽ matũ Mekenika Senhor Deus Sião ẽ mati meribi anu ẽ hiwea mã unãshanaii. Ha inũ, Jerusalém maewã meribi unanuma hawama ishanikiki. Itxakanikai mebinanaĩ detenamei nukunabuma nawa betsabu ana betaskatirubuma ishãkanikiki.

Amós 3:6

Hamẽ maewã anu mese huaya hatu unãmakĩ tsuãra trombeta txã txã akaiwẽ taea yurabũ nĩkai datemisbuki. Ha maewã anu haska kainã, Senhor Deusũ ma hanu txakabu hatu yunua haska besti kaĩkũkaĩmiski.

Amós 5:18

Matũ Shanẽ Ibu Senhor Deus ha shabatiã hanu hushanai uĩkatsis iki mã mana txakayamabiairã, mã peirashãkãwã! Ha shabatiã hanu haskakirãshanairã, mã unaĩ? Ha haskaitianã, meshu keska txakabu besti ishanikiki, hawa shaba pepa hayamarã.

Amós 8:2

Senhor Deusũ ea yukakĩ: —Amósĩ, mĩ hawa uiaĩ?— ea wa eã kemakĩ yuikĩ: —Kukiki bimi hushĩhaira mata tsaua ẽ uiaiĩ— ẽ wa Senhor Deusũ ea yuikĩ: —Israelĩ enabu hatũ txakabuwenã, ma bimi hushĩhaira keskabuki. Hatũ txakabu tere akĩ ẽ ana besti wakĩ hatu buashũkatsi ikamahairaki.

Malaquias 4:1

Senhor Deus kushipahaira dasibi binu keyuatũ matu ana yuikĩ: “Bai anua hamapai mibã tsekashũ hawẽ shaka itxawakĩ hanus mãtxĩshũ kuamisbu keska wakĩ ibubis kẽmisbu dasibi inũ txakabubu dasibi kupikĩ txi hi ikai anu ẽ hatu menukĩ keyushanai ha shaba txi kushipaya ma tashni kemaikiki. Ha shabatiã hukirã hawa betsa teshewama ẽ hatu menu keyushanaii.

1 Coríntios 14:8

Haska inũ, shanẽ ibũ habe sinatanamemis beaibũ hau hawaira hawẽ soldadobu benũbũ itxawakatsi huni betsa yunua hatu kenakĩ trombeta mawatxakaya haska nĩkabiai soldadobu hatu unãtimaskawa hawa nĩka pewatã betirubumaki.

Filipenses 2:12

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.

Santiago 5:8

Matuburi hĩ hĩ ikama tenetã manakairã, txĩtuãma xinã mestẽwãkãwẽ, nukũ Shanẽ Ibu hawaira hushanikikirã. Uĩrakubaĩkãwẽ.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

Apocalipse 6:17

Ma ha shaba hanu Deusũ hatu kupiaitiã ma hua tsuã ana nematirumaki”, akeakeaibũ