Isaías 42:13 - Kaxinawá Bíblia (BR)

¹³ Senhor Deus hawa dateama mẽtsisipa keskai kaĩkirãshanikiki, hatu maematanũ ika detenamenika keskai bebukainirã. Hatu maemanũ ika bui hari sai sai ibaĩmisbu keskakĩ hawẽ hui tashnimashanikiki, haska kaĩkĩ haki sinataibu yamawanũ ikarã.

Isaías 42:13 Referencias Cruzadas

Isaías 31:4

Senhor Deusũ ea yuikĩ: “Ea Senhor Deus kushipahaira dasibi binu keyua Mati Sião anua enabu Israelbu hatu merabewai hui ẽ eskakirãshanaii. Inu betsa leão inawã txashuwã bitã piaya txashuwã mekenikabũ leão datekĩ kushimanũ itã hanus itxatã sai sai abiabu leão hawa dateama imis keskai eari haska keskariai ẽ hushanaii.

Isaías 63:15

“Senhor Deusuũ, hanu mĩ ika naiuri mĩ mae meribi pepa anu hari hiweshunã, nukukiri shinãwẽ. Hania? mĩ nuikipa pepahaira inũ mĩ kushiparã. Hania? mĩ hawẽ nuku shinãmisrã. Mĩ nukuwẽ dabanã imisrã, mĩ ma nuku hatsãmẽ?

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Amós 1:2

Jerusalém anu Mati Sião anushũ tĩ ikaĩkainai keskawẽ hawẽ hui Senhor Deusũ hatu nĩkamaya basi txashuwanẽ pimisbu nukashanai inũ Mati Carmelo mamakia mai tsusĩ metuhairashanikiki.