João 8:37 - Kaxinawá Bíblia (BR) Hakia ẽ hãtxa nĩkama mã Abraãonẽ enabubia eki sinatakĩ mã hatiritũ ea detekatsis ikaii. Ea hãtxairã, ẽ Epã hawara akai uĩtã ẽ matu yuimiski. Hakia matunã, matũ ibuã akai uĩkĩ nĩkatã mã mawamiski— hatu wa Kashinawa : Diosun Jesúswen taexun yuba bena yiniki Jakia en jancha ninkama man Abrahamnen bababubia eki sinatakin man jatiditun ea detekatsis ikaii. Ea janchaidan, en Epan jawada akai uintan en matu yuimiski. Jakia matunan, matun ibuan akai uinkin ninkatan man mawamiski— jatu wa |
Hamẽ matũmebi ibubis kẽkĩ mã xinãmis: ‘Nukũ shenipabu Abraão Deusbe haibunameniwẽ taea nũ hawẽ bababu nuku kupiama ishanikiki’, ikĩ, ana xinãyamakãwẽ. Hakia Abraãonẽ bababu dasibi matu yamawakĩ keyutã na mixki manibauna Deusũ damiwakĩ Abraãonẽ bababu benawashũtiruki.
Caifásĩ haska hatu yuiaiwẽ taeshũ judeu shanẽ ibubũ Jesus tenãnũ ika yubakai taenibukiaki.
Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.
Hanushũ judeu shanẽ ibubũ Jesus detekatsi ikĩ benaibuwẽ taea Judéia anu ana kakatsi ikama Galiléia anu besti mae tibi anu kakũkaũkĩ hatu uĩkĩ yusĩkubaunaya
Txanima Deusũ hãtxa Moisés matu yusĩbiani mestẽwãtã matũ huĩtinĩ Deusũ hãtxa tsuã mã txibaĩsbumaki. Haskawẽ taeshũ haska xinãma mã ea detekatsis ikanaii— hatu waya
hanushũ Jesusũ yusĩaĩ Jerusalém anu hiwemisbũ nĩkatã yuinamei: —Ha hunirã, detekatsis ikĩ benakubaunaiburã, habiamẽ?
habũ kemakĩ yuikĩ: —Nukurã, nũ Abraãonẽ enabuki. Nukũ yura tsuma wabiashũ nukũ xinã tsuã nuku biãtirumaki. Haskakẽ haskakĩ: “Matu ana tsuã tsuma wama ishanikiki”, ikĩ mĩ nuku yuiai?— akabu
Haskakĩ mã ea nĩkakĩ pewakatsi ikabumamẽ? Matu yuinũ nĩkakãwẽ. Ẽ hãtxarã, pata keskatũ ẽ hãtxa mã tapĩ pewabumaki.
Yurabube hiwei ẽ huai uĩkatsi manakai ikũwaĩ matũ shenipabu Abraão benimaniki. Atimas ea uĩtã xinã txãkaĩ benimahairaniki— hatu wa
detekatsi ikĩ mixki ture biake biaketã tsakapanãbũ mapubaunabu anu hunei naxui itã Templo anua kaĩkaini
ha akatsi unãti wakĩ yukabu hakia hatũ beparameti hãtxa unaĩ hãtxama tinishũ Jesusũ metutiwẽ mai kenekĩ taewaya
Abraãonẽ bababũ enabu inũ dasibi nawabu mã Deusũ kuxipaki datemisbuũ, nukũ txakabuwẽ taeshũ hau Deusũ nuku kupiyamashanũ hawẽ bakekiri kakape nukunaki. Matu yuinũ nĩkakãwẽ.
Haska inũ, Deusũ Abraão yuikĩ: “Haska ẽ mia yubairã, Isaquewẽ taea mĩ bababu kayabi besti inũbarishãkanikiki”, aniwẽ taea dasibi habũ txibãbuma Abraãonẽ bababu hawẽ bababu kayabi itirubumariki.
Haskawẽ taea habu Yushĩ Kayabi hayamarã, Deusũ Yushĩ Pepatũ Jesuskiri txaniai danãmisbuki, tatimakĩ hakiri xinãkatsi ikamarã. Haska inũ, haska Deusũ Yushĩ Pepatũ abuai hatũ xinã unãti wai nĩkatirubumariki.
Ẽ bake keskabuũ, mã ma Deus unãyanã, ẽ matu keneshunaii. Ha dikabi hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, huĩtinĩ mestẽtã mã ma Deusũ hãtxa nĩkatã txĩtuãma txibãkĩ hawẽ Satanás mã ma maemawẽ taeshũ ẽ matu kene bumaii.