1 Coríntios 2:14 - Kaxinawá Bíblia (BR)

¹⁴ Haskawẽ taea habu Yushĩ Kayabi hayamarã, Deusũ Yushĩ Pepatũ Jesuskiri txaniai danãmisbuki, tatimakĩ hakiri xinãkatsi ikamarã. Haska inũ, haska Deusũ Yushĩ Pepatũ abuai hatũ xinã unãti wai nĩkatirubumariki.

Kashinawa : Diosun Jesúswen taexun yuba bena yiniki

¹⁴ Jaskawen taea jabu Yushin Kayabi jayamadan, Diosun Yushin Pepatun Jesúskidi chaniai dananmisbuki, tatimakin jakidi shinankatsi ikamadan. Jaska inun, jaska Diosun Yushin Pepatun bechipaiai jatun shinan unanti wai ninkatidubumadiki.

1 Coríntios 2:14 Referencias Cruzadas

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

João 10:20

betsabũ yuikĩ: —Yushĩ txakabu haya patapaki. Haskakĩ nũ nĩkakubaini ikanai?— hatu waibũ

João 12:37

Hanushũ hawẽ unãmati dami atimaska Jesusũ hatu uĩmakĩ ashũbiakubaina hawa ikũwãma inibuki.

João 14:17

Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

João 8:43

Haskakĩ mã ea nĩkakĩ pewakatsi ikabumamẽ? Matu yuinũ nĩkakãwẽ. Ẽ hãtxarã, pata keskatũ ẽ hãtxa mã tapĩ pewabumaki.

Hechos 16:14

ha aĩbuaibu itxa betsã Deus kẽwãmis hawẽ kena Lídia mae betsa Tiatira anua hunishũ tari pepa bishũ pukukĩ nanke mexupa duakabi washũ hatu inãmis nukũ Shanẽ Ibũ merabewakĩ nĩka pewamakĩ hawẽ xinã betsa wamaya Paulõ hãtxawẽ Jesus Lídiã ikũwãyã

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 17:32

mawa ana bestẽtirubukiri nĩkatã betsabũ kashe waibũ hanushũ betsabũ kashe wama yuikĩ: —Nũ ma haska nĩkashuki. Betsatiã nũ ana mia nĩkatiruki— akaibũ

Hechos 18:15

Hakia kena betsa betsapa inũ, matũ shenipabũ yusĩni hãtxa inũ, hãtxa bena matu yusĩaĩwẽ nuikĩ ẽ pewakatsi ikamaki. Matũmebi mã haska akatsis ikai pewarikãwẽ— hatu watã

Hechos 25:19

hakia haska judeubũ hiwea beya kẽwãmisbu hatu maewamai inũ huni betsa Jesus mawabiani ana hiweaki, akĩ Paulõ hatu yuimis besti hakiri txiteaibu ẽ nĩkashinaki.

1 Coríntios 1:18

Yurabũ txakabu buanũ ika cruz anua Cristo mawatã ana besteni ikũwaĩ nũ hawenabuwẽ taeshũ nũ habu Deusũ hawẽ kuxipawẽ nuku mekeshanai nũ ma unãyã, haska xinãma yura betsabũ yuikĩ: “Nuku tatima yuimisburã!”, habũ Jesus haibuwakatsi ikama nukũ yusĩa danãmisbuwẽ taea habu mawa kayabi teneshãkanikiki.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

1 Coríntios 1:25

Deusũ haska wamis nĩkama betsabũ kanekĩ yuikĩ: “Deusrã, tatimaki, unaĩsmaparã, kuxipa hayamarã”, amisbuki. Hakia dasibi unãhairakĩ Deusũ yurabu dasibi binumiski. Hawara yurabũ ikũwãma danãmisburã, Deusũ hawẽ kuxipa nuku uĩmãmiski, nũ babubiakenã. Haskai Deus kuxipahairakĩ yurabũ kuxipa binumiski.

1 Coríntios 15:44

Yura kayabi himia mawa maiwabu ha yura besteĩnã, Yushĩ Pepaya nũ bestẽshanaii. Yura kayabi nũ ma hayakẽ yura bena hawẽ Yushĩ Pepatũ hiwemaya nũ hayashanaii.

1 Coríntios 15:46

Nuku damiwakĩ taewakinã, ha dukũ yura kayabi Deusũ nuku waniki. Ha katxu Deusũ nuku bestẽwãyã hawẽ Yushĩ Pepatũ yura bena nuku inãshanikiki.

1 Coríntios 2:12

Yurabũ habũ ikũwãbumã yushĩ nũ biamaki. Hakia Deusũ hawẽ Yushĩ nuku inãni hatũ Deus anua hawẽ duapa nuku inãkĩ nuku tapĩmaikiki.

1 Coríntios 3:1

Ẽ betsabu inũ ẽ puibuũ, ẽ matube hiweyukĩ habũ Jesus ikũwãkĩ hawẽ Yushĩ Pepa nĩkakubaĩmisbu mã hatu keskamakẽ matu yusĩkĩ dama ikũwãkĩ matũ xinã mestẽriama mã bakeixta keskabukẽ unãshubira Cristokiri ẽ matu unãmakubainiki.

Santiago 3:15

Haskakĩ kanei ibubis unãnepapaikĩ haska Deusũ xinaĩ anua huai akama hakia haska Deus ikũwãbuma inũ Satanásã xinãmis haska keskarianũ ika mã ikaii, yura betsabu tibi binunũ, ikirã.

1 João 2:20

Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Judas 1:19

txanima na habiatiã ha yusĩnãnaĩ parananaĩ kashekenaĩbũ Deus xinãma ibubis hatũ kemuti xinã txibãkĩ ikũwaĩbu tari pashkakĩ Deusũ Yushĩuma wakĩ hatu akanikiki.