1 João 2:14 - Kaxinawá Bíblia (BR)

¹⁴ Ẽ bake keskabuũ, mã ma Deus unãyanã, ẽ matu keneshunaii. Ha dikabi hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, huĩtinĩ mestẽtã mã ma Deusũ hãtxa nĩkatã txĩtuãma txibãkĩ hawẽ Satanás mã ma maemawẽ taeshũ ẽ matu kene bumaii.

Kashinawa : Diosun Jesúswen taexun yuba bena yiniki

¹⁴ En bake keskabuun, man ma Dios unanyanan, en matu kenexunaii. Ja dikabi jawen bake jabe jiwekunkaini man ma ikunwankin unainwen taexun en matu kene bumaii. Bedunanbu inun chipashbuun, juintinin mestentan man ma Diosun jancha ninkatan chintuanma chibankin jawen Satanás man ma maemawen taexun en matu kene bumaii.

1 João 2:14 Referencias Cruzadas

João 15:7

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

João 5:38

Hakia matu anu Epa Deusũ ea yununi mã ea uĩkĩ ikũwãmawẽ taea habiaskari wakĩ hawẽ hãtxa uĩkĩ xinaĩ ha txibaĩ mã hawẽ hiweabumariki.

João 8:31

hanushũ ha shanẽ ibubũ ikũwãkĩ taewaibu Jesusũ hatu unãti wanũ ishũ hatu yuikĩ: —Tsuabũra ẽ hãtxa nĩkatã txanima uke merã mestẽwãtã mã txĩtuãmarã, mã ẽ tsuma kayabi itirubuki. Haskawẽ taeshũ txanima hãtxa unãkĩ mã tapiãyã txakabũ matu ana tsuma wama ishanikiki— hatu wa

João 8:37

Hakia ẽ hãtxa nĩkama mã Abraãonẽ enabubia eki sinatakĩ mã hatiritũ ea detekatsis ikaii. Ea hãtxairã, ẽ Epã hawara akai uĩtã ẽ matu yuimiski. Hakia matunã, matũ ibuã akai uĩkĩ nĩkatã mã mawamiski— hatu wa

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

2 Timóteo 2:1

Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.

1 João 1:10

Hakia tsuãra yuikĩ: “Ẽ hawa txakabuwaismaki”, ikĩ Deus txani txakai dabanẽ yurabũ hawẽ hãtxa nĩka pewariama haska dasibibu nũ txakabu hayabuwẽ taea nũ haska yuitirubumaki.

1 João 2:13

Epabu inũ ewabuũ, Deusũ mai damiwariama hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, Deusũ hãtxa txibãhairakĩ huĩtinĩ mestẽwãtã mã yushĩ txakabu Satanás maemaiwẽ taeshũ ẽ matu kene bumaii.

2 João 1:2

Eskawẽ nũ matu abuairã, ha hãtxa txanima nũ hayatũ haska ha txanimatũ nukũ huĩti merã nũ mekea hatũ nuku xinãmakĩ nuku yuimapakeikiki.

3 João 1:3

Nukubetã Jesus ikũwaĩ betsabu bea eki nukutã mikiri eki txanikĩ: “Gaiõ Jesusũ txanima hãtxa txibãkĩ txĩtuãma hawẽ hiweaki”, ikĩ ea yuiabu nĩkai ẽ benimahairaxinaki.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.