João 12:35 - Kaxinawá Bíblia (BR)

Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.

Kashinawa : Diosun Jesúswen taexun yuba bena yiniki

Jesúsun ana jatu yuikin: —Ana uxa eskadabesi Dioskidi unanmanika xaba keskadan, matube jiweyuikiki. Jaskayuaya na jancha ninkai jiweyukanwen. Jamen bin nukawa keskai ma en kaken tsuabunda unandiabuma meshun achia keskai janida baiwen kai bai unanma man mextantidubumaki. Unaindakanwen.

João 12:35 Referencias Cruzadas

Provérbios 4:19

Hakia hunibu txakabu hiwekubaini meshu merã kai hawa unãma hawaraki huti imisbu keska haska wakĩ txakabuwakĩ kaneaibu tsuã unãbumahairaki.

Isaías 2:5

Jacó enabuũ, Senhor Deusũ yusiã pepa shaba keska txibãbaini hawẽ hiwei taeribainãkãwẽ!

Lucas 18:37

betsabũ yuikĩ: —Jesus Nazaré anua kawani ikikiki— akabu

João 11:10

Hakia tsuara mexu merã biũma kairã, huti itirubuki, eauma kai keskarã—

João 11:9

nuku yuikĩ: —Shaba tibirã, 12 hora hayaki. Bariri shabatiã tsuara kai uĩ pewabaini tsua huti itirumaki, na ẽ mai anu shaba txasha hayawẽ taearã.

João 12:36

Ha shaba mã ebe ketashamekatsis ikirã, mã shaba hayayuaki. Ha shaba mã haya nĩkatã ea ikũwãkãwẽ— hatu watã hunetã nukube kaĩkainiki.

João 12:46

Yurabu mai anua hatu ikũwãmatanũ ika shaba keska ẽ huniwẽ taea tsuabũra ea ikũwaĩ mexu merã hari hiweama keska ishãkanikiki.

João 16:16

—Haskaira hatishuĩra ka ẽ hari i iyamaki. Hakia samamahaira nũ ana uĩnanãshãkanaii— nuku wa

João 7:33

hanushũ mapuabu Jesusũ ana hatu yuikĩ: —Haskaira ea wayamakãwẽ, usha eskarabes besti matube ẽ iyuairã. Hanua hatũ ea yununi anu ẽ ana txĩtũshanairã.

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Efésios 5:8

Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.