Gálatas 6:10 - Kaxinawá Bíblia (BR)

¹⁰ Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Kashinawa : Diosun Jesúswen taexun yuba bena yiniki

¹⁰ Jaskawen taexun jawada nun jayawen dasibi nukubetan ikunwainbu nuitapaibu jatu medabewakubainankanwen, ja kachu betsabudi ikunwandiabuma jatu medabewadiakinan.

Gálatas 6:10 Referencias Cruzadas

Salmos 37:27

Txakabu betsa betsapa henetã pepa besti akubaĩwẽ. Tsuara haska hiweairã, hawẽ hiwea pepa ma hayaki, hanu ipashanairã.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Provérbios 3:27

Tsuara hawa hayamatũ merabe mia yukai mĩ ashũtiru hatuki txikishama ashũkubaĩwẽ.

Mateus 10:25

Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 5:43

ana hatu yuikĩ: —Haska inũ, betsarã, matũ yusĩnãbũ Deusũ hãtxa matu yusĩkĩ yuikĩ: “Matunabuwẽ besti nuikubaĩkãwẽ, nawabu matuki sinatamisbu abuamarã”, akĩ matu yusĩmisbuki.

Marcos 3:4

ha dapi maniabu hatu yukakĩ: —Moisés hãtxa pepa txibãkĩ huĩrukũtitianã, haska watimẽ? Pewakĩ merabewatiraka? Txakabuwakĩ itxakawatiraka? Hawẽ hiwea meketiraka? Hawẽ hiwea yamawatiraka?— hatu wa habũ hawa yuiama manishũ

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

João 12:35

Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.

João 9:4

—Na mai anu yurabube hiwea ẽ bĩ txashahaira keskaki, hatu unãmanikarã. Haska ẽ shaba hayawẽ taea hatũ ea yununitũ daya ashũrinãkãwẽ. Ea shaba keska ma ẽ kakẽ txakabu huaya ana tsua dayatirumaki, mexu beai keskayarã—

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Gálatas 1:23

tsuãra nĩkashũ hatu yuikĩ: “Paulõ nuku itxakawakubainitũ Jesusũ kakape yamawapaiaya Deus hawẽ nuikĩ huĩti benawaima ikis hawẽ kakape dasibibu yusĩkubaunikiaki”, iwanã, ekiri nĩkakĩ

Efésios 2:19

Haska inũ, uatiã Deuskiri unãma hariri mã xinãma ibiani natiã haska Deusũ nuku yubani ikũwaĩ nũ hayabu matuburi mã Deusbe haibunametirubuki, haska judeubũ Jesus ikũwaĩ keskai mã ma Deusũ enaburiki.

Efésios 3:15

hatũ dasibi hawenabu nai anua inũ mai anua ma hatũ kena haya mekearã.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

Efésios 5:16

Natiã txakabu betsa betsapa huaya menã manama matũ hiwea pewarikãwẽ.

Filipenses 4:10

Bari betsatiã mã ea merabewani keskai mã ana ewẽ dabanã ikaya ẽ Shanẽ Ibuwẽ ẽ benimatxakayamaii. Haskakẽ mã ea hakimakiri ẽ xinãmaki. Hakia matũ hawara mã ea bumatirubia natiã ẽ txaikẽ haska washũ mã hawaira ea merabewatirubumaki.

Colosenses 4:5

Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 6:10

Ha inũ, Jesus ikũwaĩbu betsabu merabewai hatuwẽ nuikĩ abukĩ mã Deus abukĩ Deusũ haska abuai akĩ mã benimawamiswẽ taeshũ hawa kanema matũ pepari hakimama matu duawakĩ matu hawa danãma iriashanikiki, haska natiã mã ariakubainaibuwenã.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

3 João 1:10

Haska bestiama, hatunã, nukukiri txakabu yuikĩ nuku yuãkĩ nukuki kashei txanitxakamiskiaki. Ha inũ, yusĩnã betsabũ matu merabewanũ ika matu anu buaibu matu beyawamamakĩ nemai inũ tsuãra hatu beyawakatsis ikaibu nemakĩ hau habe mã ana itxayamanũbũ matu nematã tashnimamiskiaki, shanẽ ibukinã. Haskamiskẽ ea kayabis matũ mae anu kashũ kenatã habe hãtxakĩ ẽ txiteshanaii.

3 João 1:11

Ẽ betsaã, ẽ miwẽ nuiairã, beya txakabu txibãma beya pepa besti akubaĩwẽ. Tsuãra beya pepa akaiburã, Deusũ enabuki. Hakia tsuãra beya txakabu akaiburã, Deus unãbumaki.

3 João 1:3

Nukubetã Jesus ikũwaĩ betsabu bea eki nukutã mikiri eki txanikĩ: “Gaiõ Jesusũ txanima hãtxa txibãkĩ txĩtuãma hawẽ hiweaki”, ikĩ ea yuiabu nĩkai ẽ benimahairaxinaki.