Gálatas 6:9 - Kaxinawá Bíblia (BR)

⁹ Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

Kashinawa : Diosun Jesúswen taexun yuba bena yiniki

⁹ Jaskaken pepakunkainkin jeneyamanankanwen. Jatiada Diosun janu kupiaitian medabenankin pepawakubainkin nun jeneamaken Diosun duawakin pepawendi nuku kupixanikiki.

Gálatas 6:9 Referencias Cruzadas

Gênesis 29:7

hanushũ Jacó hatu yuikĩ: —Uiã, bari kariamaki. Eskatiã txashuwã bitxitimaki. Ana ũpash hatu amashũ ana hatu pimakĩ basi anu hatu bukãwẽ— hatu wa

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.

Mateus 10:22

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Tsuabura matu keskakĩ ea txibaĩ heneisbumari ẽ hatu mekeriakubaĩshanaii.

Mateus 24:13

Matu haska wabiaibũ tsuãra ea txibãkĩ heneisma hatu mekekĩ ẽ hatu pashawashanaii.

Mateus 25:17

ha unãnepa beshmas 2.000 inãbaĩxinari habiaskari dayashũkĩ ana 2.000 hawẽ shanẽ ibu bishũkubaĩkĩ itxawashunaya

Mateus 9:19

Jesus benitã kaya nũ hawẽ tsumaburi nũ habe buaibũ

Marcos 3:3

huni mekẽ meyuxki betxitã Jesusũ yuikĩ: —Benikirã ha maniabu namakis niwe— aka benia nikẽ

Lucas 18:1

hanushũ hawẽ tsumabũ Deus kuxipa yukai hau punu nukayamashanũbũ miyuiwẽ Jesusũ hatu yusĩkĩ

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

2 Coríntios 4:16

Hawara bika shabakabi mekĩ nũ teneai hawaira keyushanaiwẽ nuiama haska Deusũ mekekĩ niti akama nuku habe hiwemashanai uĩriamabia xinãkĩ nũ uĩkatsis ikaii, ikibi ika hunea keskarã. Ha inũ, natiã na hiweawẽ nũ hiweairã, bikaixta nũ teneai hawama keskaki, hawaira hayabiatã keyumisrã. Hakia haska hawẽ taea nũ bika teneairã, Deusũ pewẽ kupikĩ nuku benimawatxakayamashanai akũhaira bikatsi nũ manaii. Haskakẽ nukũ yura ewanai babui mawabiaya bari tibi Deusũ nukũ hiwea tibi uke meranua nuku benawakubainaya punu nukai nũ txĩtũtirubumaki.

2 Coríntios 9:6

Hanua haska hunĩ eskarabes mibaĩmatũ yunu ewai kaniai eskarabes tsekamis inũ, hunĩ mirima mibaĩma hawẽ yunu ewai kaniai akũhaira tsekamisrã, haska keska xinãkãwẽ.

Efésios 3:13

Haskakẽ kakape ẽ yusĩkubaũmiswẽ taeshũ ea bitxiabu matu merabewanũ ika matuwẽ taea nuitapai ẽ bika teneaii. Hakia ekiri xinaĩ punu nukama benima bestikubaĩkãwẽ, ewẽ taeshũ Deusũ matu duawaiwẽ taearã.

2 Tesalonicenses 3:13

Ẽ betsabu inũ ẽ puibuũ, hawara daya pepa aki mã hawẽ hiwemis akirã, punu nukai hĩ ikĩ heneyamakãwẽ.

Hebreus 12:3

Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Hebreus 12:5

Ha inũ, nũ hawẽ bakebu Deusũ nuku yusĩni mã hakimaii. Matũ shenipabu shanẽ ibu unãnepa Salomãonẽ eska hawẽ bakebu yuikĩ: “Ẽ bakebuũ, haska Deus matuwẽ nuikĩ matu pewamis matu yuinũ nĩkakãwẽ. Deusũ tsuabura abukĩ hawara bika tenemakĩ hatu kupimiski. Ha inũ, tsuabura Deusũ hawenabu wakĩ hatũ txakabu hatu unãmamiski, nũ ana ayamashanũbunã. Haskawẽ taeshũ hawara bikawẽ Deusũ matu unãmai danãyamakãwẽ. Ha dikabi, matu kũyã akaya punu nukariayamakãwẽ”, hatu haska wapauni na hãtxa hakimayamakãwẽ, Deusũ habias matu ana yuiai keska xinãkinã.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Santiago 5:7

Ẽ betsabu inũ ẽ puibuũ, nukũ Shanẽ Ibu ana hushanaya hĩ hĩ ikama tenetã manakakubaĩkãwẽ. Haska keskariakĩ bai wanikatũ hawẽ yunu banaima tsekashanũ, iwanã, ui ikai manamiski, hĩ hĩ ikamarã.

1 Pedro 2:15

Eska Deusũ matukiri abukĩ xinaĩkiki. Mã pe besti wai hatu uĩmakubaĩkãwẽ, habũ matu yuaĩbu inũ hãtxa unãmabia unaĩsmapai matukiri sinatai hãtxa txakabumisbu hau beshtekei ana matukiri hãtxayamanũbunã.

1 Pedro 3:17

Hamẽ mã txakabuwaya matu kupiaibu matũ txakabuwẽ taea tenekãwẽ. Hakia Jesus ikũwãkĩ hawara pepa mã abiaya hawẽ taeshũ matu itxakawaibu Deusũ hatu nemama mã yumainã, txakabumaki.

1 Pedro 4:19

Hanushũ Deusũ yunua hawẽ xinãnẽ tsuabũra aki bika teneaiburã, haskaibu peki. Hanushũ hawara pepa akinã, hau heneyamakubainũbũwẽ. Hau matu mekekubainũ matũ hiwea Deus inãkubaĩkãwẽ. Hatũ nuku damiwanishũ nuku heneisma ikũkaĩkĩ nuku uĩmashanikiki.

Apocalipse 2:17

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, pewẽ kupikĩ misi naiuria Deusũ hunemis ẽ hatu pimashanaii, nai anu unãnuma ebe hatu hiwemakinã. Ha inũ, kena bena nẽkati hushupaki hatũ kena nea ẽ hatu inãriashanaii. Ha habũ biaibũ besti ha kena unãshãkanikiki, tsua betsã unãtirumarã’”, ea washu ẽ matu keneshunaii.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.