João 12:32 - Kaxinawá Bíblia (BR) Mai anushũ ea binikĩ sanãkĩ nitxĩmabũ haskawẽ taeshũ dasibibu ninia keska wakĩ ea anu ẽ hatu iweshanaii, hau itxapabũ ea ikũwanũbunã— iwanã, Kashinawa : Diosun Jesúswen taexun yuba bena yiniki Mai anuxun ea binikin sanankin nichinmabun jaskawen taexun dasibibu ninia keska wakin ea anu en jatu iwexanaii, jau ichapabun ea ikunwanunbunan— iwanan, |
Detenameaibu napumã Absalão mulo katsaumea kaĩkainaya atxitanũ ika Davĩ enabu hatxũ kushibaĩkĩ txibãbainabu muloki katsaua Absalão pashai kushikaini hi ewapa pũyã tiniã tebebakaĩkĩ Absalãonẽ bu txaipa hi pũyã tuashki ustãkĩ yabukĩ mestẽwã dunukẽ mulo besti ha mais kushikainaya
Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.
Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya
nĩkashũ bronze mane tashipa dami wakĩ dunu keska Moisĩ ashũ txibu keyatapa mamaki anu puẽtã nitxĩkĩ dũtãkẽ tsuabura dunũ pikĩ bisha ha dunu dami dunua uiĩ shushakubainibukiaki, ana mawamarã.
hawẽ Xinaĩ Hãtxatikiri hau dasibibũ nĩkakĩ ikũwãshanũbũ bebũkiri hatu yui huniki, Joãonã.
hanushũ mapubaunabu betsã yuikĩ: —Deusũ hãtxa kenenibu anua uĩkĩ nũ manakamisrã, “Messias Cristo hua matube hiwepakeshanikiki”, akĩ kenenibukenã haskakĩ: “Nukũ Hutxi Kayabi Iuwa Messias binikĩ sanãkĩ nitxĩshãkanikiki”, ikĩ mĩ haska nuku yuishumẽ? Haskakenã, tsuamẽ, nukũ Hutxi Kayabi Iuwarã?— aka
hanushũ haki mastakatsi cruz Jesus iamatã sharamabaĩkĩ Jerusalém mae ewapanua kaĩmabaĩkĩ ha mati hawẽ kena Bushka Shau Mati anu mapematã, Hebreu hãtxawenã, Gólgota anurã,
Haska inũ, Deusũ nukũ shenipabu yusĩkĩ unãti wamanikiri mia xinãmanũ nĩkawe. Hanu tsua hiweabuma anu Moisés hatu iyuima hanus nukũ shenipabu hiweakeakeakĩ hawẽ hãtxa nĩkabumakẽ Deusũ hatu kupinũ, iwanã, dunu mirima itxawashũ hatu pima isĩ teneaibũ Deusũ Moisés yunua mane damiwakĩ dunu itsa washũ hiki netãshũ nitxiã tsuãra uĩkĩ ikũwaĩ shushanibuki. Habiaskari wakĩ Deusũ ea yubani keyukĩ hiki matũ Hutxi Kayabi Iuwa ea mastãshũ ea benitã ea nitxĩshãkanikiki. Haskawẽ taeshũ tsuabũra ea ikũwãkĩ xinaĩ ebe hiweshãkanikiki, niti ikamarã— iwanã,
Epa Deusũ ea yununitũ hatu kenamarã, ea haibuwatirubumaki. Hakia hatu kena ea ikũwaĩbu hawẽ heneai shabatiã ẽ hatu bestẽwãshanaii. Deusũ hãtxa Isaíasĩ keneni matu yuinũ nĩkakãwẽ: ‘Deusũ dasibi hatu yusĩkĩ meshtãmashanikiki’, aniki. Haskawẽ taeshũ tsuãra Deusũ hãtxa nĩkakĩ tapĩkubaĩmisshunã, ea haibuwakanikiki.
haskawẽ taeshũ Jesusũ ana hatu yuikĩ: —Matunã, matũ Hutxi Kayabi Iuwa ea binikĩ benimashũ hanu mã ea unãshanaii. Natianã, haska ẽ xinaĩwẽ ẽ akamaki. Hakia haska ẽ Epã ea yusĩni besti ẽ yuimiski.
Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.
Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.
Nai tsumabu kuxipa keskama Jesus kuxipa beshmas keska wayutã Deusũ hawẽ nui nuku uĩmakĩ Jesus tashnimatã hau dasibibuwẽ taea mawatã bestẽnũ Deusũ yunua haska txibaĩ nuitapatã mawatã binuniwẽ taea natiã Jesus kuxipahaira dasibibu binua hawẽ ibu dapi ma tsauwa nũ unaiĩ.
Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.
Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.
Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.
dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ