Isaías 11:10 - Kaxinawá Bíblia (BR)

¹⁰ Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Isaías 11:10 Referencias Cruzadas

Salmos 91:1

Tsuara Deus dasibi kushipa binuatũ hatu meke pewashũ utawa pe hiwemisbũ

Salmos 91:4

Takarã hawẽ bake mekekĩ nushamis keska wakĩ mĩ nuku mekekĩ nusha nũ dateismaki. Shinã betsa wama nuku putama mĩ nuku mekekubaĩmiski, hawẽ pia nemati keskawenã.

Isaías 11:1

Jessé enabu Assíria nawabũ hatu itxakawakinã, hi derakĩ hatu hawẽ buru keska besti wanibuki. Hakia ha hi buru anua ana takushanikiki. Hawẽ tatxa anua hawẽ tapũ betsa hukũmis keskai huni betsa ana kaĩshanikiki.

Isaías 2:2

Hanu bari hawẽ henei ma kemaya ha mati anu Senhor Deus kẽwãti hiwe hayakẽ Deus hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Isaías 2:3

Sião anu Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu nũ mapekenũ bekãwẽ, Jacó mekenika Senhor Deusũ kẽwãti hiwe anurã. Harishũ hawẽ pe hiweti shinãkiri nuku yusiãbu ha bai keska hawẽ yusiã txibãkĩ tapĩ nũ pepashãkanaii”, ika bebirã bebirãshãkanikiki.

Isaías 28:12

Bebũkiri Senhor Deusũ hatu yuikĩ: “Nenu nishma daka anua mã huĩrukũtiruki. Nenu mã punu nukabu hanu bashikutã mã huĩrukuĩ dakatiru hayaki.” Ẽ hatu wabia habũ ea nĩkabumaki.

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 49:22

Senhor Deusũ yuikĩ: “Hau mĩ huni bakebu hau pũtsaumetã iwekĩ mĩ aĩbu bakebu hau iatã mia anu iwenũbũ nawabu shukuabu ẽ hatu yunushanaii, mae tibi ẽ unãmati hatu uĩmakinã.

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.

Isaías 60:5

Matũ bakebu beaibu mã uiãyã benima paẽ matu atxia mã huĩti shinã txãkã paepashanaii. Maewã ianẽwã kesha anu hiweshũ mabu pepa itxawaimashũ beshũ matu inãshãkanikiki.

Jeremias 6:16

Israelĩ enabu Senhor Deusũ ana hatu yuikĩ: “Bai shesha dabe anu kai niti ishũ uĩkãwẽ. Haratu bai hashu pepa matũ shenipabũ unanibu hatu yukakãwẽ. Ha bai pepa betxitã hawẽ kai hanu matũ yushĩ huĩrukũshanai anu mã haki nukushanaii”, ẽ matu wabia matũ ea kemakĩ yuikĩ: “Haskamaki. Ha baiwẽ nũ ana kakatsi ikamaki”, mã ikaya

Números 10:33

Hanua atimas Senhor Deusũ Mati Sinai anua hatu tashnibaini shaba dabe inũ besti bukĩ Senhor Deusũ hãtxa aruni hi bau Levĩ enabũ buaibu bebũ huni dabe inũ dabetũ iabaĩkĩ hanu huĩrukũti pepa benakubainaibũ

Mateus 12:21

Hanushũ txakabu binuaya nawa shukua betsa betsapabũ ikũwãkĩ ẽ tsuma manashãkanikiki’, aka nĩkatã keneniki. Haska hakiri keneni menekĩ Jesusũ yusĩkĩ hatu shushawakubainiki.

Mateus 8:11

Eãnã, ikũ ẽ matu yuiaii. Deus shanẽ ibukĩ mai hirabi anua bari huaikiria inũ bari hikiaikiria ikũwaĩbu dasibibu hatu itxawatã duawakĩ Abraão inũ Isaque inũ Jacóbetã hatu pimashanikiki.

Lucas 2:32

Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya

João 12:32

Mai anushũ ea binikĩ sanãkĩ nitxĩmabũ haskawẽ taeshũ dasibibu ninia keska wakĩ ea anu ẽ hatu iweshanaii, hau itxapabũ ea ikũwanũbunã— iwanã,

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 28:28

Haskakẽ nukunabu nĩkabumakẽ natiã unuri Deusũ judeubuma hatu mekekatsis ikai hau habũ nĩkanũbũ hanuri bushũ hatu yusĩshãkanikiki, hawa niti ikamarã. Haskanikiri matũri xinãkãwẽ— hatu wa

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

Apocalipse 22:16

Hanushũ Jesusũ ana ea yuikĩ: “Earã, Davĩ baba inũ pena bixi txashahairamis keskatũ ẽ Jesusũ ẽ mia yuiai nĩkawe. Deusunabu itxamisbu betsa betsapa anu haska ẽ uĩaĩ mĩ hatu pewakĩ e imashanũ, iwanã, ẽ nai tsuma ẽ mia anu yunua haska dasibi mia uĩmashuki, hau ẽ hãtxa mĩ hatu bumashanunã”, ea waya

Apocalipse 5:5

mekenika betsã ea yuikĩ: “Kashayamawe. Shanẽ ibu Davĩ baba betsa ha Judã baba yuinaka dasibibũ shanẽ ibu inu betsa hawẽ kena leão nũ dabimis pepa kuxipahairakĩ haki sinataibu maemanitũ ha unãti tsamia tibi hatũ dashnu dashnu akĩ keyutã ha una txuretiruki. Manayuwe”, ea waya