Isaías 28:1 - Kaxinawá Bíblia (BR)

¹ Samaria anu hiweabuũ, mã peirawa! Efraimnẽ maewã Samaria hawẽ maiti hawẽrua keska wakĩ hawẽ kẽmisburã, harã, habu paẽmisbũ maeki. Hua hawẽrua keska ibiaima ana hawẽruama utsitã txapuai keska bestiki. Mati mapãpa anushũ hatũ yunu bai tenãmã mai pepa uĩmisbu hanu hiweabu vinhowẽ kemui haki neshenibũ akĩ heneisbumaki.

Isaías 28:1 Referencias Cruzadas

Isaías 28:7

Betsabu ikirã, vinhowẽ paeã ni peama keshka keshka iki hanua shia paepa aki hawẽri paẽhairai berame berame iki di imisbuki. Habu hawenabu Deusbe hãtxashunikabu inũ Deusũ hãtxa yuishunikabũ ha shia paepa akawẽ taea ni peama keshka keshka iki inũ vinho aki paeãwẽ taea shinã pe watirubumaki. Nama keskakĩ habũ Deusũ yusiã uĩkĩ nĩkabiatã pe shinãtirubumaki. Paẽtã hatu unãti wakĩ haratu pe inũ haratu txakabumẽ, ishũ hatu unãtirubumaki.

Isaías 8:4

Mĩ bake kaĩma hawa hãtxa pesei kenãnamei: ‘Papaii’, iki ‘Mamaiĩ’, iriamakẽ Damasco inũ Samaria anu hiweabu Assíria nawabũ hatu atxishũ yamawatã hatũ mabu hawẽrua hatũ shanẽ ibũ hiwe ewapa anu bushãkanikiki”, ea watã

Amós 2:12

“Ẽ hatu haska wabianikẽ matubũ hatu itxakawakĩ huni meribi Nazireũ vinho akatsi ikabumabiakẽ mã hatu amakubaĩmiski. Ha inũ, ẽ hãtxa yuishunikabu ẽ kena kushipawẽ hãtxaibu hatu nĩkakatsi ikama mã hatu nemakubaĩmiski, hau ekiri hãtxayamanũbunã.

Amós 2:8

Tsuãra matu diria hawẽ tari biãyuimashũ ha tari bekãtã haki dakashũ yushibubu dami kẽwãti piti mãtxĩtã hatubetã mã pimiski. Ha dikabi tsuã hawa txakabuwakĩ kaneamabiakẽ parãkĩ hamẽ itxakawakĩ hawẽ pei pakamatã ha peiwẽ uva vinho bishũ hatũ mekenika yushĩ kẽwãti hiwe anushũ hatubetã ha vinho mã akubaĩmisbuki.

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 6:1

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

Amós 6:4

Hanushũ piti itxapa washũ pi elefante makushpi mabu wati benibuwẽ hawẽ dakati hawẽruahaira wanibu hanu bashti itã dakai petã txashuwã bake inũ ina awã bake shua nami matu shuishunabu beyuskĩ mã pikubaĩmisbuki.

Amós 6:6

Kẽtxa ewapabuki uva vinho nushukubaĩkĩ mã sheni ininipahaira pepawẽ mã txa iake iakemisbubia matũ mai pakea inũ matunabu txakabuwatirubu hatuwẽ nuiti mã hatukiri shinãkubaĩsmaki.

Amós 6:8

Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.