Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.
Gálatas 6:3 - Kaxinawá Bíblia (BR) Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki. Kashinawa : Diosun Jesúswen taexun yuba bena yiniki Jaskaken tsuanda jatu medabewamis shinain jawen pepakidi janchamisbudan, kanei kein ibubis padanananmisbuki. |
Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.
Eskaki, matu yuinũ nĩkakãwẽ. Huni betsa Teudas shanẽ ibunũ, ishũ hatu binunũ ikĩ nukunabu parãyã 400 hunibũ hawẽ hãtxa nĩkakĩ txibaĩ haki shukuabu soldadobũ atxishũ ha huni deteabũ habũ txibaĩbu datei dasibi pashai sa iki keyunibukiaki, hanu beshtekei keyuirã.
Ha inũ, mã hatubetã ikũwaĩ habube hiwearã, hatube ha ikama duanamei unãnuma hiwekubaĩkãwẽ. Matũmebi keãmarã, habũ hawara hatũ hamapai xinãma hakia habu xinã pepa haya keĩsbumabe haibunamekubaĩkãwẽ. Tsuãra xinaĩ: “Ea besti unãnepakĩ ẽ pewamiski”, ikĩ hatu mesewakĩ dakewayamakubaĩkãwẽ.
Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.
Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.
Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.
Tsuãra haska tibi aki: “Ẽ unã keyuaii”, mã ibiairã, haskai unãnepati kayabi mã unã keyuriamaki.
Haska tatimai ẽ keaĩ ẽ hawaumaki. Hakia mã ea kẽwãma danaĩbuwẽ taea ibubis kẽkĩ ẽ matu haska yuiaii. Ha unãnepabu parananãkĩ bemakis matu uĩmakĩ haska ekiri hawauma matu yuimisburã, hatũ hawawẽ ea binutirubumaki.
Jesusũ tsumabu unãnepabu habu hatu nĩkamisbu shanẽ ibubiabũ habũ hawa hãtxa bena betsa ea yuiama inibuki. Hakia txanima bemakis nũ hatu uĩkĩ xinãkĩ kẽwãbiamiskẽ haska Deusũ bemakisa xinãkĩ unãti waismaki. Haska katukinã, hatũ huĩti uke merã uĩmiswẽ taea haskawẽ ẽ nuiamaki.
Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.
Hakia huni txakabu inũ habu parananaĩburã, hatũ hiwea pe buama piku bestishãkanikiki, hatu paraĩbuwẽ inũ ibubis parananaĩnã.
Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.
Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.
Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.