1 Coríntios 13:2 - Kaxinawá Bíblia (BR)

² Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.

Kashinawa : Diosun Jesúswen taexun yuba bena yiniki

² Jaska inun, en Diosun kakape xabakabi yuinikabia inun Diosun shinan en unanbiamis inun jamapai betsa betsapa junea en unanjaidabiai inun Dios ikunjaidawakin mati en maewatidubia en nuikipama en jawamajaidaki.

1 Coríntios 13:2 Referencias Cruzadas

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Mateus 17:20

Jesusũ nuku yuikĩ: —Ea ikũ kayabihairawariama mã atiruma ishuki. Txanima hãtxa ẽ matu yuiai nĩkakãwẽ. Mostarda hawẽ heshe pesheixtabia banabu ewai hi ewapamiski. Habiaskari wakĩ ea ikũ pixtawabiakĩ ẽ kuxipa xinãkĩ na mati yuikĩ: “Nenua maei betsa anu katãwẽ”, mã wa matu nĩkatã ha mati maetiruki. Hamẽ ea ikũ kayabi wakĩ dasibi mã haska atirubuki— nuku watã

Mateus 21:19

hi betsa figueira benãta tupã bai kesha nia betxitã hawẽ bimi hayamẽkaĩ uĩtanũ ika kashũ hawa bimi hayama hawẽ peis besti uĩkĩ Jesusũ hi bimiuma yupukĩ yuikĩ: —Hau tsuã mĩ bimi ana piyamashanũbũ ana bimitaskayamashãwẽ— akaya haskabiama e iskaũ hawẽ pei niri iki shanaya

Mateus 21:21

Jesusũ nuku yuikĩ: —Ikũkĩ ẽ matu yuiaii. Mã haratutũra ea ikũwaĩ xinã dabeyama na hi ẽ ashu keska wakĩ na mati yuikĩ: “Matipaã, mimebi tsekekaĩ iãnẽwã merã pukutãwẽ”, mã waya Deusũ haska yunushanikiki.

Hechos 13:1

Antioquia anushũ ikũwaĩ itxaibu habũ hatu yusĩaĩnã, eska hayanibukiaki, Deusũ hãtxa meshtãmanikabu inũ habũ kakape Jesuskiri hãtxa yusĩnanãmisbu betsa betsapaburã. Hatũ kenarã, Barnabé inũ, Simeão hawẽ kena betsa Mexupa inũ, Cirene anua huni betsa Lúcio inũ, Galiléia shanẽ ibu Herodesbe ewani Manaém inũ, Saulo inibukiaki.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Romanos 15:14

Ẽ betsabu inũ ẽ puibuũ, yura betsabuwẽ nuikĩ mã hatu merabewamis inũ, Deusũ yusĩa mã unãhairai inũ, matubetã ikũwaĩ betsabube mã pe yusĩnanãmis ẽ hawa txakabu matukiri yuitiruma ẽ unaiĩ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

1 Coríntios 11:4

Hakia huni betsã hatũ maiti mabikiama sawea Deusbe hãtxai kasmai Deusũ hãtxa hatu yusĩkinã, Cristo duawama itxakawaikiki.

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

1 Coríntios 13:1

Haska hawẽ pepai hiwekũkaĩtirã, eska xinãtiki. Hamapai yura betsabũ hãtxa tibiwẽ ẽ hãtxatiru inũ, Deusũ nai tsumabũ hãtxawẽ ẽ hãtxatirubia ẽ hawa nuikipama hãtxairã, hawara mane kuxakĩ taĩ taĩ amisbu keska inũ mane dabe tsumashũ tsakama tsakama abaĩkĩ huiyawamisbu mimawati keskaki, hawauma hamẽ hãtxawã bestirã.

1 Coríntios 13:3

Haska inũ, hamapai ẽ haya inãtã hawẽ pei bitã ha nuitapai yumaĩbu pimai inũ, Jesus Cristo ikũwãkĩ ẽ hawẽ kakape yusĩkubaunaya huni betsã ea atxishũ ẽ nĩkai ea kuabiaburã, ẽ nuikipamakẽ Deusũ ea hawawẽ manakuama ishanikiki.

1 Coríntios 13:8

Yurabũ Deusũ hãtxa shabakabi yuimisbu Deusũ hatu henemai inũ, yura betsaburi hãtxa tapĩriamawẽ hãtxai Deusũ hatu henemashanai inũ, hamapai xarabu unãkĩ keyubiakubaĩxinabu haska tibi Deusũ yamawashanikiki. Hakia Jesuswẽ taea nuikipabu betsawẽ nuikĩ merabewakĩ heneisbuma haska besti keyuama ishãkanikiki.

1 Coríntios 14:29

Habiaskari tibiri Deus yuishunikabũ hawẽ hãtxa shabakabi yusĩaĩbu yusĩnika dabe kasmai dabe inũ bestitũ hatũ hawara yuitirubuki. Yusĩayã yusĩnika betsabũ nĩkakĩ hawẽ hãtxa hãtxa kayabimẽkaĩ? hau yukakĩ unãkubainũbũwẽ.

1 Coríntios 14:39

Haskakẽ ẽ betsabu inũ ẽ puibuũ, tsuara Deusũ Yushĩ Pepatũ kuxipawẽ hãtxa hawẽ hãtxama hãtxakatsis ikai hatu nesewakĩ nemayamakãwẽ. Hakia Deus yuishũkĩ hawẽ hãtxa shabakabi hatu yusĩkatsi ikinã, Deus yukakubaĩkãwẽ.

1 Coríntios 14:4

Deusũ hãtxa shabakabi yuishunikabũ ikũwaĩbu itxapa yusĩkĩ hawẽ hatu kuxipa watibiakẽ hãtxa tapĩriamawẽ hawẽ hãtxamawẽ hãtxai ibubis besti xinã txakãmisbuki, tsuã nĩkamabiakenã.

1 Coríntios 15:51

Yubakatã Deusũ hawẽ hãtxa huneni matu shabakabi yuinũ eskaki, nĩkakãwẽ. Jesus nũ ikũwaĩburã, mawaira hatira nũ mawama ishãkanaii. Jesus ana huaya nuku tibi betsa washanikiki, yura bena betsa nuku wakinã.

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

1 Coríntios 7:19

Judeubũ beya txibãkĩ nũ hina kubitxi meshtemis inũ judeubũ beya txibãmarã, nũ haskai hiwekĩ Deus benimawatirumaki. Hakia Deusũ hãtxa besti txibãkĩ nũ Deus benimawatirubuki.

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

2 Coríntios 12:11

Haska tatimai ẽ keaĩ ẽ hawaumaki. Hakia mã ea kẽwãma danaĩbuwẽ taea ibubis kẽkĩ ẽ matu haska yuiaii. Ha unãnepabu parananãkĩ bemakis matu uĩmakĩ haska ekiri hawauma matu yuimisburã, hatũ hawawẽ ea binutirubumaki.

Gálatas 5:16

Eska ẽ matu yusĩmis ana matu yuinũ nĩkakãwẽ. Hawara Deusũ Yushĩ Pepatũ matu yusĩa nĩkatã haskai besti pepai hiwekubaĩkãwẽ. Hamẽ haska xinã txakakĩ matũ yurã haska abuai matu amanũ, iwanã, yunuaiwẽ matũmebi txakabukĩ xinãyamakubaĩkãwẽ.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

Efésios 3:4

uĩkĩ hawara Deusũ xinã hunea Cristokiri ẽ ikai xinaĩ: “Txanimaki”, mã itirubuki.

Efésios 6:19

Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.

Colosenses 1:26

Na haska ẽ matu yuiairã, Deusũ hawẽ kakape Cristokiri bari itxapahaira huneni yura betsa betsapa bari betsatiã hiwekubiranibu hatu yusĩama hunenishũ natiã habu Cristowẽ Deusũ meribi hatu wairã, Deusunã, ma shabakabi nuku uĩmaikiki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

1 João 4:8

Deus nuikipabiakẽ tsuãra ha abunameti xinãmarã, Deus unãriabumaki.