1 Coríntios 13:3 - Kaxinawá Bíblia (BR)

³ Haska inũ, hamapai ẽ haya inãtã hawẽ pei bitã ha nuitapai yumaĩbu pimai inũ, Jesus Cristo ikũwãkĩ ẽ hawẽ kakape yusĩkubaunaya huni betsã ea atxishũ ẽ nĩkai ea kuabiaburã, ẽ nuikipamakẽ Deusũ ea hawawẽ manakuama ishanikiki.

Kashinawa : Diosun Jesúswen taexun yuba bena yiniki

³ Jaska inun, jamapai en jaya inantan jawen pei bitan ja nuitapai yumainbu pimai inun, Jesucristo ikunwankin en jawen kakape yusinkubaunaya juni betsan ea achixun en ninkai ea kuabiabudan, en nuikipamaken Diosun ea jawawen manakuama ixanikiki.

1 Coríntios 13:3 Referencias Cruzadas

Jeremias 7:8

Hamẽ parã hãtxa hawamabiakẽ hatu ikũwãkĩ mã nĩkakubaĩmisbuki,

Mateus 23:5

Ha inũ, “Deusũ hãtxa ẽ txibãhairai uĩkĩ dasibibũ hau ea kẽwãnũbũ”, ika tari txaipa dauya panã panãyã sawetã Deusũ hãtxa kene bitxi bau pixtaki nanea bitxiwẽ neshea betũku anu sawekĩ netãtã pũti anuri netãriatã hau ea uĩnũbũ ika hatu kẽwãmai mapumisbuki.

Lucas 18:22

nĩkatã Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka

Lucas 18:28

Pedrõ yuikĩ: —Shanẽ Ibuũ, nukunã, mia txibãkatsi ikinã, nukũ hawara nũ haya dasibi baxikĩ keyubiranimashũ nũ ma mia txibãpakeaii— akaya

Lucas 19:8

hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ: —Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya

João 12:43

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

João 13:37

Pedrõ ana yuikĩ: —Shanẽ Ibuũ, haskakĩ ẽ mia txibãtirumamẽ, ikisrã? Earã, ẽ mia mawashũtiruki, miwenã— aka

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Hechos 21:13

Paulõ nuku kemakĩ: —Haskai ewẽ taea kashakĩ mã ea huĩti nixmawakanai? Jesus ikũwãkĩ ẽ txibãmiswẽ taea Jerusalém anushũ ea atxishũ neashanaibuwẽ ẽ dateamaki. Hakia ẽ Jesus dayashũkũkaĩmiswẽ taea ẽ haria mawariashũtiruki— nuku wa

Gálatas 5:26

Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Filipenses 2:3

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.