Lucas 18:11 - Kaxinawá Bíblia (BR)

¹¹ Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.

Kashinawa : Diosun Jesúswen taexun yuba bena yiniki

¹¹ Jaskakain fariseo nia naiudi besuxun Dios dayuikin: “Diosuun, yuda betsabu keskama en pewen taexun en mia kenwaiin. Yumetsumisbu inun, padanananmisbu inun, chutanamebaunmisbu inun, ja pei bixunika chakabu en jatu keskamaki.

Lucas 18:11 Referencias Cruzadas

Provérbios 20:6

“Hatube yubakatã betsa wama ẽ menemiski”, iki itxapabu hãtxabiamisbukẽ txanima tsuã haskatã menetirubumaki. Haskawẽ taeshũ hunĩ hawara akĩ menemis benakĩ tsuã hania betxitirubumaki.

Isaías 1:15

Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Isaías 58:2

Ẽ hiwea bai unaĩ benima bestinũ ishũ shaba tibi mã ea benakubainaii, mae pepawẽ hiwea ikasi pepai inũ ẽ yunuti hãtxa txakabuwama kaneama ikasriairã. Ẽ yunuti kushipa pepa ea yukatã ea beparãkĩ ea uĩmai benimabirani ea anu bemisbuki.

Isaías 65:5

Na enabu pepamabia mapubaũkĩ hatu yuikĩ: ‘Earã, ẽ meribihaira Deusunaki. Neri eki kematã ea mekĩ metsayamakãwẽ’, ibiairã, ha huniburã, txi ketiãbu bari txaitanai hi ikĩ hawẽ kuĩwẽ ea detxeshãwãmis keskabuki”, itã

Jeremias 2:28

Judá enabuũ, hania matũ mekenika dami mã akubainimarã? Matũ mae tibi anu yushibu mirima mã hayaki. Matu itxakawai beaibũ matũ yushibu damipã matu merabewakĩ matu pashawai betirubumẽ?

Jeremias 2:35

Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Mateus 10:3

Filipe inũ, Bartolomeu inũ, Tomé inũ, nawã pei bishunika Mateu ea inũ, Alfeũ bake Tiago inũ, Tadeu inũ,

Mateus 5:20

Haskawẽ taea Deus benimawakatsi iki fariseubu inũ Deusũ hãtxa kenenibu yusĩnanãmisbu hiwekubainaibu keska ikama pe hiwekĩ Deus benimawakĩ mã hatu binuama nai anu Deus shanẽ ibuai anu maturi mã hikitirubumaki— iwanã,

Mateus 6:5

ana hatu yuikĩ: —Ha inũ, betsarã, ha hatũmebi kẽmisbũ itxati hiwe anu kasmai hemaĩtĩ anu nishũ hau ea nĩkakĩ kẽwãnũbũ ika hui kuxipawẽ Deus kẽwãmisbuki. Haska waibu Deusũ abuama yurabũ besti hatu abumisbuwẽ taea maturã, haskayamakubaĩshãkãwẽ.

Marcos 11:25

Haska inũ, Deus dayui habe hãtxakĩ tsuãra hawara matu txakabuwaxina haki sinatabiatã hawaira habe daekubaĩkãwẽ, ana has xinãmarã. Mã haskaibu matũ txakaburi Deusũ matu buashũtã ana xinãma iriashanikiki.

Lucas 20:47

Haska inũ, aĩbu hawẽ benẽ shũnunitũ hawẽ hiwe bianũ, ishũ, aĩbu paraĩ beparani Deusbe hãtxai txaipahairakubaĩmisbuki. Haskamisbuwẽ taeshũ habu Deusũ hatu kupihairashanikiki— itã

Lucas 22:41

hatu henebaini kai tsuãra hatishũ tĩ ikimẽkaĩ ishũ mixki ture putabu kai tĩ imistishũ Jesus ka dãti itã hawẽ Epa yukakĩ

Gálatas 3:10

Hanushũ Deusũ hãtxakiri hawenabu Moisés yuikĩ: “Hawẽ yunuti inũ hawẽ nemati ẽ matu keneshunai tsuabũra dasibi txibãhairabumakẽ Deusũ hatu yupukĩ pe hiwemama ishanikiki”, haska watã hatu keneshuniwẽ taea txibãmabia hatũmebi pepapaikĩ hawẽ yunuti inũ hawẽ nemati txibãpaikĩ pewabumakẽ Deus hatuki sinatamakĩ yupushanikiki.

Filipenses 3:6

Ha inũ, Deus duawanũ ishũ Jesus Cristo ikũwaĩbu ẽ hatu itxakahairawayukubainiki, haska dabanẽ ẽ xinã ẽ unãnepaiwenã. Ha inũ, Deusũ Moisés yusĩni ikũwãkĩ txibaĩ hawa kaneama ẽ pepahairakũkainaya ekiri hawa txakabu tsuã yuitiruma inibuki.

Apocalipse 3:17

Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii.