1 João 1:8 - Kaxinawá Bíblia (BR)

⁸ Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.

Kashinawa : Diosun Jesúswen taexun yuba bena yiniki

⁸ Jamen tsuanda ikunwanbiakin jawen shinan kayabi unanma yuikin: “Eanan, en jawa chakabuwaismaki”, iki bemakis besti shinankin nukunmebi ibubis nun padanantiduki, jancha kayabi jayamadan.

1 João 1:8 Referencias Cruzadas

Provérbios 20:9

Tsuãra eska yuitirumahairaki: “Ẽ shinã pepaswẽ taea ẽ huĩti merã ẽ hawa txakabu hayamaki”, ikĩ yuikinã.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Isaías 64:6

Dasibi nukuburã, nũ txakabuki, huni hamapai txakabu iruma keskabu Deuski nũ kematirubumarã. Dasibi nũ merabenãmis tibi nukũ aka peparã, tari txakabu nũ detsis keskabuki. Dasibi nukubunã, kanei nũ ma di iki keyuabuki, ni pei shanai niri imis keskairã. Sinatakĩ nũ yurabu txakabuwamisrã, ha txakabunã, niwẽ nuku buawamiski, sharabaĩkinã.

Jeremias 2:35

Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Romanos 3:10

Ha haskakiri hatunabukiri Deusũ hãtxa yuishunikatũ habukiri yuikĩ: “Mai hirabi anu yura bestitxaitũ Deus haibu wanũ ishũ benamis hayamaki, tsua nũ bestitxai kaneisma pepa hayamarã. Tsua unãnepamaki. Tsuã Deuskiri tapĩkatsi ikamaki. Dasibibu bai txakabuwẽ buirã, txakabui atimapai hiweabuki. Tsuã pepahaira aki hiweamaki. Tsua yura bestitxai pepa nũ betxitirumaki.

Romanos 3:23

Ha inũ, yura dasibibũ txakabuwakubaĩmisbuwẽ taea haskatã ibubis Deus pepaki nũ tsua kematirubumaki, kanei hiwei peisbumawẽ taearã.

1 Coríntios 3:18

Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

1 Timóteo 6:5

yura betsa betsapabube hatũ yusĩa hãtxa kayabi unãbumabe kemanamei heneisma inũ haska ikũwãkĩ yusĩaĩwẽ taeshũ pei itxapa bitikiri xinãkanikiki. Hatu uĩrakubaĩwẽ.

2 Timóteo 3:13

Hakia huni txakabu inũ habu parananaĩburã, hatũ hiwea pe buama piku bestishãkanikiki, hatu paraĩbuwẽ inũ ibubis parananaĩnã.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

Santiago 1:26

Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.

2 Pedro 2:13

Habuã dukũ yura betsabu nuitapawaxina habuwẽ taeshũ Deusũ hatu manakukĩ kupia nuitapahairariashãkanikiki. Habu parananãkĩ habũ xinaĩ shabakabi hamapai txakabu aki: “Nũ benimakũkainaii”, iki hiweshũ mã ikũwaĩbu beyusai anu matu naxui itã matube benimawanũ ika mã hawẽ dakeai habũ matu husimakĩ atimapa tibi wakĩ matu dabĩwãmisbuki.

1 João 1:10

Hakia tsuãra yuikĩ: “Ẽ hawa txakabuwaismaki”, ikĩ Deus txani txakai dabanẽ yurabũ hawẽ hãtxa nĩka pewariama haska dasibibu nũ txakabu hayabuwẽ taea nũ haska yuitirubumaki.

1 João 1:6

Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

2 João 1:2

Eskawẽ nũ matu abuairã, ha hãtxa txanima nũ hayatũ haska ha txanimatũ nukũ huĩti merã nũ mekea hatũ nuku xinãmakĩ nuku yuimapakeikiki.

3 João 1:3

Nukubetã Jesus ikũwaĩ betsabu bea eki nukutã mikiri eki txanikĩ: “Gaiõ Jesusũ txanima hãtxa txibãkĩ txĩtuãma hawẽ hiweaki”, ikĩ ea yuiabu nĩkai ẽ benimahairaxinaki.