Gálatas 6:2 - Kaxinawá Bíblia (BR)

² Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.

Kashinawa : Diosun Jesúswen taexun yuba bena yiniki

² Jaska inun, matunabun xankama iabidanaibu man jatu medabewamis keska wakin tsuabunda jawada bika teneaibu inun tsuabunda kaneaibu jatu medabewadiakubainkanwen. Jatu jaska wai jaska Criston nuku yusinkubaini keska axunkin jawen jancha man menexunxanaii.

Gálatas 6:2 Referencias Cruzadas

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Mateus 8:17

Deusũ hãtxa yuishunika Isaíasĩ yuikĩ: “Deusũ Katuatũ nũ isĩ teneai maĩwãkĩ nuku shushawashanikiki”, akĩ hatu bebũkiri yuini Jesusũ habiaskari wakĩ hatu anikiaki.

Lucas 11:46

Jesusũ yuikĩ: —Moisés hãtxa yusĩnanãmisbuũ, maturã, fariseubu keskai maturi mã peirawa! Shãkamahaira matunabu iama keska wakĩ yusĩa tsuã txibãtirubuma mã hatu yusĩbiakĩ haska mã hatu yusĩmis ibubis txibãma hanua mã hatu merabewaismariki.

João 13:34

Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ

João 15:12

Tsuara hawẽ haibuaibuwẽ nuikĩ abukĩ hatu merabewai mawashunai tsuã haskakĩ ana betsã binutirumaki. Ẽ hãtxa mã txibãkubainai mã ẽ haibuki. Eskaki, ẽ matu yunuairã. Ẽ matuwẽ nuikĩ abumiski. Haska txibãkĩ betsabuwẽ nui abunamekubaĩshãkãwẽ.

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

1 Coríntios 9:21

Deusũ yusĩa danãma Jesus Cristõ yusĩa heneama txibãkubaĩkĩ judeubuma habũ Moisés yusĩa txibãbuma Jesus ikũwãmanũ ika hatube hiwea hatũ beya keska txibaĩ ẽ hatube hiweriamiski.

Gálatas 6:5

Hakia tsuãra habũ bika betsa betsapa mã tenebiairã, has xinãma tenekubaĩkãwẽ. Habiaskas nũ haya Deusũ unaĩkiki.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

Santiago 1:25

Hamẽ tsuabũra Deusũ hãtxa yununi nĩka bestiama hakimakatsi ikama haska txaniai txibaĩ hatũ txakabu henei pepakubaĩtirubuki. Haska bestiama hawẽ hiwekaini txĩtuãma haska tibi Deusũ hãtxã yunuai menei haskai xinã txãkãshãkanikiki.

Santiago 2:12

Tsuabũra Deusũ yunuti inũ hawẽ nemati Jesuswẽ hatu unãti wakatsi ma pewaniwẽ taeshũ harakirira mã hãtxai inũ mã hatu uĩmakubainairã, txanima Jesusũ yunuti benawẽ ma matu tashnimakubainikiki.

Santiago 2:8

Haska Deusũ hawẽ hãtxa yuishunikabu hatu kenemakĩ hatu yusĩmakeakeni tibi binua Jesusũ ha kene ana hatu yusĩni matu ana yuinũ nĩkairakãwẽ: “Mimebi mĩ yura mĩ nuimis keskakĩ yura betsabu tibiwẽ nuikubaĩkãwẽ”, iniwẽ taea haska txibãkubaĩkĩ hawara Deusũ abumis akĩ mã txibãkĩ akĩ pewairã, haskarã, peki.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

2 Pedro 2:21

Ha dukũ Jesus Cristo txibãti unãma ikaiburã, mawaira txakabuma ikeãkanaii. Hakia Deusũ hãtxa meribi hatu yusĩabu unãtã ana txibãkatsi ikama danãkĩ henei txakabui pikukubaĩmisbuki.

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

1 João 4:21

Jesus Cristõ nuku yunukinã, eska yuiniki: “Tsuãra Deus abukinã, matubetã ikũwaĩburi hatuwẽ nuikĩ aburiakubaĩkãwẽ”, nuku waniki.