1 Coríntios 3:18 - Kaxinawá Bíblia (BR)

¹⁸ Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

Kashinawa : Diosun Jesúswen taexun yuba bena yiniki

¹⁸ Betsa betsapabu man unanepakatsis ikaii. Jakia jaska unanepabun ibubis shinankin kanemis Diosun bechipaismaki. Man ibubis kein unanepaibudan, matun shinan danantan ana kenkin jaska shinanma chintuntan jaska Diosun bechipaiai keskai unanepa kayabikubainkanwen.

1 Coríntios 3:18 Referencias Cruzadas

Provérbios 3:5

Haska ibubis mĩ unanepaiwẽ akama hakia mĩ huĩti hirabiwẽ Senhor Deus ikũwãkĩ haska mia yusiaĩ besti txibãkubaĩwẽ.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Provérbios 5:7

Haskawẽ taeshũ epaã, ẽ hãtxa ea nĩkatã ẽ yusĩti hãtxa hawa heneyamakubaĩshãwẽ.

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Jeremias 37:9

Ea ẽ Senhor Deusũ bebũkiri ẽ matu yuiai ea nĩkakãwẽ. Caldéia nawa detenamenikabu ma bushiãbu ana beabuamaki, iwanã, ikũwãkĩ haska shinãyamakãwẽ. Txanima ana beshãkanikiki.

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Mateus 18:4

Hakia tsuara huni ewabia na bakeixta keskai ibubis keãma hatu merabewa bestikubaĩmisbu ebe shanẽ ibukĩ betsabu mã binushanaii.

Lucas 18:17

Ikũ ẽ matu yuaii. Bake mixtĩbũ hawẽ ibu abumis keska wakĩ Epa Deus abuabuma Deus shanẽ ibuaitiã haki dasiama ishãkanikiki— hatu wa

Lucas 21:8

Jesusũ hatu yuikĩ: —Ẽ ana huriamakẽ haskai nuitapai taeshanaibu Deusũ yuini eskashãkanikiki. Shabakabi matu yuinũ nĩkakãwẽ. Ma ẽ hanu hua kemaya huni betsabu beshũ yuikĩ: “Ẽ Deusũ Messias Cristoki. Ea nĩkakãwẽ”, ikaibũ betsabũri yuikĩ: “Cristo dama huikiki. Matu uĩmanũ ea txibãkãwẽ”, iwanã, yuiaibu hatu nĩkayamashãkãwẽ, hau matu parãyamanũbunã.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Romanos 12:16

Ha inũ, mã hatubetã ikũwaĩ habube hiwearã, hatube ha ikama duanamei unãnuma hiwekubaĩkãwẽ. Matũmebi keãmarã, habũ hawara hatũ hamapai xinãma hakia habu xinã pepa haya keĩsbumabe haibunamekubaĩkãwẽ. Tsuãra xinaĩ: “Ea besti unãnepakĩ ẽ pewamiski”, ikĩ hatu mesewakĩ dakewayamakubaĩkãwẽ.

1 Coríntios 15:33

Haska xinãbiakubainaibũ hãtxa kayabi matu yuinũ nĩkairakãwẽ. Hau matu parãyamanũbũ tsuabũra nukũ yusĩa danãkĩ mã beya pepa txibãbiaya hamakiri xinãmakĩ matu txakabuwamakĩ henemakatsis ikaibu ana hatube haibunameyamakãwẽ.

1 Coríntios 3:17

Tsuãra ha Deusũ hiwe txakabu wakĩ nuitapawamis ha yurari Deusũri nuitapawariashanikiki. Hakia ha Deusũ hiwe meribi peparã, habia mã matuki, hiwe keskarã.

1 Coríntios 4:10

Nukurã, mã haskara nukukiri xinaĩ? Cristowẽ taea nũ tatĩmakenã, hakia maturã, Cristowẽ taea mã unãnepakiaki. Hamẽ nukurã, nũ babuki. Hakia maturã, mã kuxipakiaki. Nukurã, nuku itxakawakanikiki, nukuki meseamarã. Hakia maturã, matu kẽwaĩ matuki mesemisbukiaki.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

Gálatas 6:7

Haskakẽ txanima hãtxa matu yuinũ nĩkairakãwẽ. Hamapai wakĩ Deus nũ parãtirumaki. Hawara nũ amiswẽ taeshũ Deusũ kaneama nuku kupishanikiki.

Efésios 5:6

Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.

2 Timóteo 3:13

Hakia huni txakabu inũ habu parananaĩburã, hatũ hiwea pe buama piku bestishãkanikiki, hatu paraĩbuwẽ inũ ibubis parananaĩnã.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

Santiago 1:26

Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

1 João 1:8

Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.