Gálatas 4:26 - Kaxinawá Bíblia (BR) Hakia nukuburã, nũ Deusũ bake kayabibuwẽ taea Jerusalém nai anua nukũ ewa keskaki. Deusũ nuku mekeawẽ taea nũ escravõ bakemaki. Kashinawa : Diosun Jesúswen taexun yuba bena yiniki Jakia nukubudan, nun Diosun bake kayabibuwen taea Jerusalén nai anua nukun ewa keskaki. Diosun nuku mekeawen taea nun esclavon bakemaki. |
Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.
Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.
Habu dami wakĩ ẽ ana bena washanaiwẽ taea benimai shinã txãkãkubaĩkãwẽ. Ha Jerusalém ana bena wakĩ benima paketi besti ẽ matu washũshanaii. Ha mae anu yurabu hawẽ hiweaiburã, ana hawa bika teneama benima besti hiweshãkanikiki.
Senhor Deusũ ana matu yuikĩ: “Ha mã ea anu haskaitianã, txanima ẽ matũ Mekenika Senhor Deus Sião ẽ mati meribi anu ẽ hiwea mã unãshanaii. Ha inũ, Jerusalém maewã meribi unanuma hawama ishanikiki. Itxakanikai mebinanaĩ detenamei nukunabuma nawa betsabu ana betaskatirubuma ishãkanikiki.
Mã Cristo ikũwãyã Deusũ matu pepawaiwẽ taeshũ txakabũ matu ana beshetã tsumatirumaki. Haska inũ, Deus duawanũ, iwanã, hawẽ yunuti inũ hawẽ nemati Deusũ Moisés yusĩniwẽ matu ana mekeamaki. Hakia Deus duapatũ matu ma mekeikiki, mã hawẽ daya akaiburã.
Hakia Moisés keneni uĩkĩ ha Abraãonẽ huni bake Ismael inũ Isaquekiri nũ uĩmis matu yuinũ nĩkairakãwẽ. Abraãonẽ aĩ Sara hau dayashũkũkaĩnũ peiwẽ Agar bikĩ hawẽ dayaru escravo wabianishũ hanubi aĩwãriatã haki Abraãonẽ bakewa hawẽ bake Ismael hawẽ yubakati hayama kaĩnikiaki. Hakia Abraãonẽ hawẽ aĩ Sara peiwẽ biama aĩ kayabi wani Deusũ merabewaya Sara yushabuhairabiakẽ hawẽ bake Isaque haki bakewaima kaĩrianikiaki, haska Deusũ Abraão bebũkiri yubani meneirã.
Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.
Hakia nuku ikirã, nũ haskamaki. Nukũ mae kayabi nai anuki. Haska nũ manakaiburã, nukũ mekenika nukũ Shanẽ Ibu Jesus Cristo ana hushanai nũ manakakubainaii.
Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.
Ha inũ, Deusũ kupiti Jesusũ txanima ma matu binumaniki. Haskawẽ taeshũ: “Ẽ ma kupiti hayamaki”, itã matũmebi ana txakabu unãti wamanũ ika ana haska xinãyamakubaĩkãwẽ, ana Deusũ kupitiki dateama hawẽ tsumabu pepa besti ikubainirã.
Hanua nai anua unãmati betsa tashnikirani aĩbu hawẽ batxi barĩ txashapã yabua inũ, hawẽ tae ushẽ tatxasha inũ, shanẽ ibũ maiti 12 bixi nea maia
inũ, hawẽ betũkuki hawẽ hunea kena kenea: “Babilônia mae ewapa mesehaira ea ẽ hatũ ibu hininipaki. Ea anu aĩbu hininipa dasibi inũ hamapai xarabu mai hirabi anushũ pepa danãkĩ txakabuwamisbu hiweabuki”, ika netãki.
Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya
Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.