Apocalipse 12:1 - Kaxinawá Bíblia (BR)

¹ Hanua nai anua unãmati betsa tashnikirani aĩbu hawẽ batxi barĩ txashapã yabua inũ, hawẽ tae ushẽ tatxasha inũ, shanẽ ibũ maiti 12 bixi nea maia

Kashinawa : Diosun Jesúswen taexun yuba bena yiniki

¹ Janua nai anua unanmati betsa taxnikidani ainbu jawen bachi badin chaxapan yabua inun, jawen tae uxen tachaxa inun, xanen ibun maiti 12 bishi nea maia

Apocalipse 12:1 Referencias Cruzadas

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Mateus 12:38

hatu haska wai nĩkatã hanushũ fariseubu inũ Deusũ hãtxa kenenibu yusĩnanãmisbũ Jesus yuikĩ: —Yusĩnaã, nũ uĩnũ naiuria haska tsuã dami atimaska kaĩmaisma nuku ashũwẽ— akabu

Mateus 24:30

nai anua haskai yurabũ uĩ mai hirabi anua datehairai kashai keyubaunaibũ ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩaĩbũ

Lucas 21:11

mai patxa sakuakeakeaya piti hayama buni teneaibũ isĩ betsa betsapa mae tibi anushũ teneakeakeaibũ nai anua hawẽ unãti mese haska tashnisma uĩaĩbũ hanu ẽ huriama ishanaii.

Lucas 21:25

Jesusũ hatu yuikubaĩkĩ: —Hanushũ Deusũ bari inũ ushe inũ bixi betsa betsapa tashnimatanaya mai anu nawa shukua tibi hiweakeabu haskai tsuã nĩkaisma betsahairai iãnẽwã tũkash ikaiwẽ date paepai unãyamasi hawa dabanẽ nĩkai mesetxakayamaibũ habiatiãri nai anua betsa betsapai nai txuruãkĩ taka taka akaya ha yurabũ xinaĩ: “Ma nuku yamawaikiki”, ishãkanikiki.

João 3:29

Ha inũ, hunĩ txipax bitã aĩwanã, ha besti hawẽ beneki. Hakia hawẽ bene benimai hawẽ aĩbe hãtxai nĩkatã hawẽ haibuaiburi benimatxakayamamisbu keskai eãri Jesus haskai nĩkatã ẽ benimahairariaii.

Hechos 2:19

Haska inũ, nai anua hawẽ e imai kuxipa wakĩ mai anuari dami betsa betsapari ẽ washanaii. Himi habamakinã, txi wakinã, basnũ bai kua hawẽ kuĩ keska wakĩ ẽ hatu uĩmashanaii.

Romanos 13:14

Ana haska txakabu tibi xinãkĩ akama nukũ Shanẽ Ibu Jesus Cristoki dasitã hawẽ kuxipawẽ kuxipakĩ hawẽ bai kayatapia besti txibãkubainãkãwẽ, txakabuwẽ besti pepamarã.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

Gálatas 3:27

Haska inũ, mã Cristo ikũwãkĩ hatu unãti wamanũ ikaya matu naximabu mã tari sawemis keska wakĩ Cristoki dasikĩ mã ma tari sawekĩ akawaniki.

Gálatas 4:26

Hakia nukuburã, nũ Deusũ bake kayabibuwẽ taea Jerusalém nai anua nukũ ewa keskaki. Deusũ nuku mekeawẽ taea nũ escravõ bakemaki.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Efésios 5:32

Aĩyaĩ inũ beneyai yura bestitxai keska hiwearã, mĩ tapĩtirurã, bikaki. Hakia habiaskariai Cristo inũ dasibi ha ikũwaĩbu haki dasia habiaskariki, Cristoki nũ haki dasia nũ yura bestitxai keskaburã.

Apocalipse 1:20

Ha hawara hunea mĩ uĩshu shabakabi mia yusĩnũ nĩkawe. Ha sete bixi ẽ mekẽ yusiuri ẽ tsuma mĩ uĩshurã, ha sete mae itxamisbu tibitũ merabenã Deus yuishunikaki. Ha dikabi haki bĩ tsaũti sete ouro mane txãka daka mĩ uĩshurã, ha sete mae ikũwaĩbu itxamisbuki”, iwanã,

Apocalipse 11:19

hanushũ Templo nai anua bepẽshũ ha hiwe meranua Deusũ nukũ shenipabu yubani kene hi bauki arua hatu uĩmaya kana baka baka iki tĩ ikaĩkainaya patxa sakuaya barush ui ewapabu niri iki haskai keyushanai ẽ uĩshuki.

Apocalipse 12:3

hanua hawẽ unãmati dami betsa nai anua tashnia yuxibu sheanã taxipa hawẽ yura kapetãwã yura keska sete bushkaya dez mashũyã bushka tibiki shanẽ ibũ maiti maia tashnitã

Apocalipse 15:1

Hanushũ hawẽ hatu unãmakĩ itxakawati mese sete hawẽ henea haska nai anua kaĩaĩ ha uĩ e iti txakabuhairawẽ haska nai tsumabũ Deusũ yurabu nuitapawakĩ hatu itxakawashanai sete nai tsumabũ kẽtxa tibiki hawẽ henea Deus sinatamis tsumabu ẽ uĩayã

Apocalipse 21:14

Ha inũ, hawẽ kene keyatapa hawẽ kuxipa wati 12 mixkipawã hawẽ mestẽwãkĩ tsamabauna keneyaki. Ha inũ, txashuwã bakẽ 12 tsuma kuxipayabũ kena tibi mixkipawã tibiki nea hayaki, hatũ kenarã.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.