Gálatas 5:1 - Kaxinawá Bíblia (BR)

¹ Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.

Kashinawa : Diosun Jesúswen taexun yuba bena yiniki

¹ Jaska inun, Moisin nemati inun jawen yunuti nun ana chibanyamanunbun Criston nuku kainmaniki, Moisin yusian chibain nun ana jatun esclavo iyamanunan. Matu jaska nemaniken Jesús besti chibain ana shinan betsa wama judiobun yusian danain ana jatun dayadu esclavo iyamakubainkanwen.

Gálatas 5:1 Referencias Cruzadas

Salmos 51:12

Ẽ benubiaya mĩ ea merabewakĩ piskumani keska ana shinã bena inãkĩ ea shinã txãkãwãwẽ. Mĩ yushĩ itxakanikamawẽ ea tsumawe, ẽ haskariakũkainunã.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Mateus 23:4

Haskawẽ taeshũ habunã, shãkamahaira matu iama keska wakĩ yusĩa tsuã txibãtiruma matu yusĩbiakĩ habias yusĩa habũri txibãtirubumaki, haska matu yusĩaĩbu keska hiwekĩ matu uĩmamarã.

Hechos 15:10

Haskawẽ taeshũ ha Moisés nukũ shenipabu yusĩni beya habũ txibãtiruma ipaunibuki. Habiaskari nũ Israelbũ nũ txibãtirubumariki. Haskakĩ Deusũ hatu haska wamabiakẽ matu Deus keskakĩ judeubumã Jesus ikũwaĩbu mã hatu yunuai? Hatu haska wayamakãwẽ.

Romanos 6:14

Mã Cristo ikũwãyã Deusũ matu pepawaiwẽ taeshũ txakabũ matu ana beshetã tsumatirumaki. Haska inũ, Deus duawanũ, iwanã, hawẽ yunuti inũ hawẽ nemati Deusũ Moisés yusĩniwẽ matu ana mekeamaki. Hakia Deus duapatũ matu ma mekeikiki, mã hawẽ daya akaiburã.

Romanos 7:3

Haska inũ, hawẽ bene mawariama ha aĩbu huni betsabe uĩnanaĩ atiyai txakabumisbuki. Hakia tsuara hawẽ bene ma mawakẽ hanu huni betsabe shabakabi ana hiwekatsi ikai hawa txakabumaki.

Romanos 7:6

Hakia ma nũ Cristo ikũwaĩbu nũ ma habe mawa keskakẽ ha dukũ Moisés Deusũ hawẽ yunuti inũ nemati kenemaniwẽ nuku ana yunuamaki. Hakia natiã ana kene sheni ana paema nũ txibãmakẽ Yushĩ Pepa kuxipatũ besti nuku yusĩkĩ nuku pe mekekubainikiki, bai bena nuku txibãmakinã.

Romanos 8:15

Maturã, ha yushĩ hatũ matu date pae inãmis ha yushĩ ana matu inãkĩ yabumama hakia Deusũ Yushĩ Pepatũ hawẽ bakebu matu wamamis matu inãniki. Ha Yushĩ Pepatũ nuku hãtxamakĩ: “Epaã, Ẽ Epa nuikipatuũ”, akĩ kenamakĩ nuku yuimamiski,

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

1 Coríntios 7:22

Haska huni betsã escravo dayaru mã ibianikẽ nukũ Shanẽ Ibũ matu katushũ matũ txakabu buakĩ matu haibuwaiwẽ taea escravobia Jesus mã ikũwaĩwẽ taea mã yurã escravoma keskaki. Hakia mĩ tsuã escravo dayarumabia Jesusũ mia katutã yunuawẽ taea matũ xinãwẽ mã hawẽ escravo dayaruki, Cristonarã.

2 Coríntios 11:20

Haska inũ, habũri matu dayaru watã matu yunuabu mã hatu dayashũmiski. Matu parãbetanã, itxakawakĩ matũ hawara matu biaĩbu mã hatu inãmiski. Habũ matu tãpais akabu mã tenemiski, haskatimabiakenã.

2 Coríntios 3:17

Hanua nukũ Shanẽ Ibu inũ hawẽ Yushĩ Pepatũ habiaskas xinaĩbũ hawẽ Yushĩ Pepatũ nuku mekeaya txakabũ nuku ana tsumama inũ pepanũ, iwanã, hawẽ yunuti inũ hawẽ nemati Deusũ Moisés yusĩniwẽ nuku ana bikawatirumaki.

Gálatas 2:4

Hanua betsarã, nũ itxanu nukũ betsabu hatiri nukubetã ikũwaĩ kayabibumari hune nuku unãti wanũ ika hikia manishũ nĩkakĩ hawama Jesus Cristokiri nĩkatã txibaĩ ma mekei pepabiaibũ hanua habũ Moisés hatu yusĩni hatũ beya nuku ana husimakĩ txibãmanũ ika ikaibũ hawa hatu nĩkama binumakĩ ha Jesuskiri hãtxa txanimawẽ taea hawa beya tibiwẽ husikĩ matukiri nuku kanemama inibuki, mã haska betsatã maetirubumakirirã.

Gálatas 3:25

Hakia natiã nũ Jesus ikũwaĩbu habias yunuti inũ nematiwẽ nuku ana tsumamakẽ

Gálatas 4:26

Hakia nukuburã, nũ Deusũ bake kayabibuwẽ taea Jerusalém nai anua nukũ ewa keskaki. Deusũ nuku mekeawẽ taea nũ escravõ bakemaki.

Gálatas 4:31

Haskakẽ natiã ẽ betsabu inũ ẽ puibuũ, Moisés yusĩawẽ hawãra nuku ibu wakĩ amamisrã, hawẽ escravo keska ana iyamakãwẽ. Hakia escravo keskama Abraão hawẽ bake kayabi yubani keska ikubaĩkãwẽ, tsuã tsumamarã.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Efésios 6:14

Hanua hãtxa txanima besti yuikĩ hawa dateama mestẽwãkãwẽ. Haska wai nũ pe hiweabu Deusũ nuku mekekubaĩmiski.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

1 Tesalonicenses 3:8

Hakia nukũ Shanẽ Ibu ikũwaĩ mã txĩtuãmawẽ taea nũ ana hawa punu nukama matuwẽ benimai nũ hiweaii.

2 Tesalonicenses 2:15

Haskawẽ taea ẽ betsabu inũ ẽ puibuũ, matu haska wakĩ katunikẽ nukũ yusĩa beya bena hari matũ mae anu kashũ ibubis nũ matu yusĩtanima inũ nukũ kenewẽ nũ matu yusĩainã, hakimama txibãkubaĩkãwẽ.

Hebreus 10:23

Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

1 Pedro 2:16

Ha inũ, Deusũ kupiti Jesusũ txanima ma matu binumaniki. Haskawẽ taeshũ: “Ẽ ma kupiti hayamaki”, itã matũmebi ana txakabu unãti wamanũ ika ana haska xinãyamakubaĩkãwẽ, ana Deusũ kupitiki dateama hawẽ tsumabu pepa besti ikubainirã.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.

Apocalipse 2:25

Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.