Gálatas 4:26 - Kashinawa : Diosun Jesúswen taexun yuba bena yiniki

²⁶ Jakia nukubudan, nun Diosun bake kayabibuwen taea Jerusalén nai anua nukun ewa keskaki. Diosun nuku mekeawen taea nun esclavon bakemaki.

Kaxinawá Bíblia (BR)

²⁶ Hakia nukuburã, nũ Deusũ bake kayabibuwẽ taea Jerusalém nai anua nukũ ewa keskaki. Deusũ nuku mekeawẽ taea nũ escravõ bakemaki.

Gálatas 4:26 Referencias Cruzadas

Romanos 6:14

Man Cristo ikunwanyan Diosun matu pepawaiwen taexun chakabun matu ana bexetan tsumatidumaki. Jaska inun, Dios duawanun, iwanan, jawen yunuti inun jawen nemati Diosun Moisés yusiniwen matu ana mekeamaki. Jakia Dios duapatun matu ma mekeikiki, man jawen daya akaibudan.

Gálatas 4:22

Jakia Moisin keneni uinkin ja Abrahamnen juni bake Ismael inun Isaackidi nun uinmis matu yuinun ninkaidakanwen. Abrahamnen ain Sara jau Sara dayaxunkunkainun peiwen Agar bikin jawen dayadu esclavo wabianixun janubi ainwandiatan jaki Abrahamnen bakewa jawen bake Ismael jawen yubakati jayama kainikiaki. Jakia Abrahamnen jawen ain Sara peiwen biama ain kayabi wani Diosun medabewaya Sara yuxabujaidabiaken jawen bake Isaac jaki bakewaima kaindianikiaki, jaska Diosun Abraham bebunkidi yubani meneidan.

Gálatas 5:1

Jaska inun, Moisin nemati inun jawen yunuti nun ana chibanyamanunbun Criston nuku kainmaniki, Moisin yusian chibain nun ana jatun esclavo iyamanunan. Matu jaska nemaniken Jesús besti chibain ana shinan betsa wama judiobun yusian danain ana jatun dayadu esclavo iyamakubainkanwen.

Filipenses 3:20

Jakia nuku ikidan, nun jaskamaki. Nukun mae kayabi nai anuki. Jaska nun manakaibudan, nukun mekenika nukun Xanen Ibu Jesucristo ana juxanai nun manakakubainaii.

Hebreus 12:22

Matudan, nukun xenipabu na mai anua Dioski nukua datenibu keskama chanima kayabi Mati Sión inun Dios jiweatun maewan Jerusalén pepa chaxa chaxa ikai nai anu janu jawen nai tsumabu janu jaki dasia tsuan jati tanatiduma jabun Dios kenwainbu jaskabu anu man ma ikunwain jaki kemaki.

1 Pedro 2:16

Ja inun, Diosun kupiti Jesúsun chanima ma matu binumaniki. Jaskawen taexun: “En ma kupiti jayamaki”, itan matumebi ana chakabu unanti wamanun ika ana jaska shinanyamakubainkanwen, ana Diosun kupitiki dateama jawen tsumabu pepa besti ikubainidan.

Apocalipse 12:1

Janua nai anua unanmati betsa taxnikidani ainbu jawen bachi badin chaxapan yabua inun, jawen tae uxen tachaxa inun, xanen ibun maiti 12 bishi nea maia

Apocalipse 17:5

inun, jawen betunkuki jawen junea kena kenea: “Babilonia maewan mesejaida ea en jatun ibu jininipaki. Ea anu ainbu jininipa dasibi inun jamapai shadabu mai jidabi anuxun pepa danankin chakabuwamisbu jiweabuki”, ika netanki.

Apocalipse 21:2

Januxun ana betsa taxnikidanai uinkin ainbun juni benewanun, iwanan, jawen beneki nukui kanun ika jawenduai keskamis Jerusalén maewan bena ma dasibi iduya pepaya Diosun nai anua buteaya

Apocalipse 3:12

Tsuabunda ea dananma jabun maemakin binumisbudan, janu en Epa Diosun jiwe anu jawen chibu betsa keska tsuan betseketiduma keska en matu waxanaii. Janua man jani ana kainbainama inunbadiaii. Jaska inun, en Epa Diosun kena matuki kenekin netankin jawen mae Jerusalén Bena ja mae nai anua butuxanai jawendi matuki kenekin netankin en kena benadi en matuki netanxanaii.