Apocalipse 21:2 - Kaxinawá Bíblia (BR)

² Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Kashinawa : Diosun Jesúswen taexun yuba bena yiniki

² Januxun ana betsa taxnikidanai uinkin ainbun juni benewanun, iwanan, jawen beneki nukui kanun ika jawenduai keskamis Jerusalén maewan bena ma dasibi iduya pepaya Diosun nai anua buteaya

Apocalipse 21:2 Referencias Cruzadas

Isaías 1:21

Haskatã maewã nĩkanikabia haskai shinã txakai mĩ ma aĩbu hininipa keskamẽ? Uatiã dasibi minabu pe hiweshũ pe besti aki hiwekubainibuki. Hakia eskatianã, mã huni sinatapabu bestiki.

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Isaías 54:5

Mia hatũ dami wanitũ natiã ana miki nukukĩ mia aĩwãkĩ akawatã mia haska duawakĩ dasibi mĩ hiwea betsahaira washanikiki, hawẽ kena Dasibi Kushipa Binuhaira Senhor Deusũnã. Mĩ mebikinanika Israelĩ Deus meribi ha dasibi mai hirabi dami wani Deusũnã, mia haska washanikiki.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

João 3:29

Ha inũ, hunĩ txipax bitã aĩwanã, ha besti hawẽ beneki. Hakia hawẽ bene benimai hawẽ aĩbe hãtxai nĩkatã hawẽ haibuaiburi benimatxakayamamisbu keskai eãri Jesus haskai nĩkatã ẽ benimahairariaii.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

Hebreus 11:10

Deusũ hawẽ dami hawa kaneismatũ ma hatu mestẽwãshuni anu hari hatu hiwemashanai maewã Abraãonẽ xinaĩ na mai anushũ dukũ mana taewanikiaki.

Hebreus 11:16

Haskama ha mae pepahaira hawẽrua nũ haska uĩriama txakabuma nai anu Deusũ hatu yubayama xinaĩ habianus hiweyunibukiaki. Haskakẽ habu katuni Deusũ ma hatũ maewã pewashuniwẽ taea Deus hatuki dakeama hatu xinaĩ: “Ẽ hatũ merabenã Yushĩki”, imiski.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Hebreus 13:14

Haska inũ, na mai anu nũ hiweyuarã, mae putatimai has ibua hawẽ nui nũ hanus ipatirubumaki. Hakia Deusũ maewã pepa ha yubani tashnimashanai haskawẽ nũ hiweshanai xinã bestikĩ nũ manakayuaii.

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Apocalipse 11:2

Hakia hawẽ kẽwãti Templo hemaĩtĩ Deusũ nawabu ma hatu yunuima hanushũ habũ 42 ushe Deus danãkĩ hawẽ mae pepa itxakawakubaĩshanaibu hemaĩtĩ anu tanayamawe.

Apocalipse 21:10

ha nai tsuma ẽ yushĩki nukushũ nama keskawẽ mati keyatapa anu ẽ yushĩ ea iyushũ Jerusalém maewã pepahaira meribi Deusũ nai anua buteai ea uĩmaxina matu yuinũ nĩkakãwẽ.

Apocalipse 21:9

Hanushũ sete nai tsumabũ ha sete Deusũ yurabu hawẽ henea kupiti mese kẽtxa betsa mata tsuma eki nukushũ ea yuikĩ: “Txashuwã bakẽ aĩyãshanai yusĩkĩ mia kayatiwamanũ nerishũ uĩyuwe”, iwanã,

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.

Apocalipse 22:19

Ha inũ, tsuabũra na hãtxa Deusũ ea yuishu ẽ una washukia ha unakia hãtxa betsa tere akaibuwẽ taeshũ Deusũ hawẽ benimai hiweti hi bimi haki tanabiayama hatu mebĩtã hawẽ mae pepa anu na unaki ea kenemashu keska wakĩ Deusũ hatu hikimama ishanikiki.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.