Êxodo 7:16 - Kaxinawá Bíblia (BR) Mã hari ka aki nukutã Faraóne ea yuishũkĩ: —Hebreubu mekenika Senhor Deusũ mianu ea yunushuki. Mia yuikĩ: “Hanu tsua hiweabuma anushũ enabũ ea kẽwaĩ hau bunũbũ ana hatu nemayamawe. Ẽ mia yuibia mĩ ea nĩkariamaki. |
Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.
“Israelĩ enabu ma pashashinabuki”, akĩ Egito nawa shanẽ ibuhaira Faraóki txaniabu hawẽ shanẽ ibu beshmasbubetã Faraónẽ shinã betsawatã: “Nũ hawa shinãmakẽ pashaibũ nũ hatu nemama ishiãki. Nuku tsuã ana dayashũtirumaki”, iki yuinamea akeakeaibũ
Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka
datekĩ Moisĩ ana yuikĩ: —Mĩ ea haska wa Israelĩ enabu anu kashũ eã hatu yuikĩ: “Hatũ nukũ shenipabu mekekĩ duawapauni Deusũ matu anu ea yunushinaki”, ẽ hatu wabia ea yukakĩ: “Harakiri kenamẽ?” ea akabu Harakiri hatu yuishãpa?— aka
Mĩ hatu haska wa mia nĩka pewashãkanikiki. Haskakẽ Egito shanẽ ibu bena anu hatubetã uĩ kashũ shanẽ ibu yuikĩ: “Hebreubu mekenika Senhor Deus tashnikirã nukuki ma nukushinaki. Haskakẽ nuku heneyuwe, shaba dabe inũ besti ushakaĩ nukũ mekenika Senhor Deus kẽwãkĩ txashuwã itxapa tesẽshũ kuakĩ nũ benimawayui kairã”, akĩ ha shanẽ ibu haska ekiri yuishũtãshãwẽ.
Haska wakĩ Faraónẽ hatu nemaya Faraó ea yuishũkĩ: —Senhor Deus Hamebi Hiwemistũ mia ea yuimaikiki. Nĩkawe. Israelĩ enabu ẽ huni bake iyua keskabuki, ẽ betxipaihairairã, akĩ ea yuishũshãwẽ.
Israelbu bushũ hau ea kẽwãtanũbũ mĩ hatu nemashinaki. Mĩ hatu nemakubaĩmiswẽ taeshũ mĩ huni bake iyua mĩ betxipaihairarã, ẽ tenãshanaii— akĩ na habias hãtxa Faraónẽ mĩ betsa Arão ea yuimashũshãwẽ— aka
Matũ hãtxa Faraónẽ nĩkama danãyã hanu ẽ kushipahaira ẽ hatu uĩmakĩ dasibibu unãmakĩ Egito nawabũ hatu itxakawakubaĩmisbu Israelĩ enabu shanẽ ibu tibi hawenabube nenua ẽ hatu iyushanaii.
hanushũ Senhor Deusũ Moisés ana yuikĩ: —Faraó anu ana kashũ ea yuishũtãwẽ: “Senhor Deusũ mia yuiai nĩkawe. Enabũ hau ea kẽwaĩ butanũbũ hatu ana nemayamawe.
hanushũ Senhor Deusũ Moisés ana hãtxa wakĩ: —Meshukiri Faraó penama hene kesha butuikiki. Mia dukũ penamahaira butukaĩ haki nukushũ eska Faraó yuishãwẽ: “Nukũ mekenika Senhor Deusũ eska mia yuikiki. Nĩkawe: Enabũ hau ea kẽwaĩ bunũbũ hatu ana bashikĩ niti ayamawe.
Faraónẽ hatu haska washinawẽ taeshũ Senhor Deusũ Moisés ana yuikĩ: —Faraó anu ana kashũ ea yuishũkĩ: “Hebreubũ mekenika Senhor Deusũ eska mia yuikiki. Nĩkawe: Hau ea kẽwaĩ bunũbũ enabu ana hatu bashiyamashãwẽ.
hanushũ Senhor Deusũ ana Moisés yuikĩ: —Penamahaira butukaini kashũ Faraó bebũ nishũ ea yuishũkĩ: “Hebreubũ mekenika yushĩ Senhor Deusũ eska mia yuikiki. Nĩkawe. Enabũ ea kẽwaĩ buaibu ana hatu bashiyamashãwẽ.
Ha dikabi eãri Ciro ẽ tashnimaniki, hau hatu maemanunã. Hawẽ kati bai dasibi ẽ hawama washũshanaii. Hanushũ hatũ ẽ maewã ea benishũshanikiki. Haska watã enabu habũ hatu iyunibu hatu mebikinãkĩ hatu henematã hatu ea akĩ pakamama manakuti yukama ishanikiki”, iki Senhor Deus dasibi binua hãtxashuki.