Êxodo 10:3 - Kaxinawá Bíblia (BR)

³ Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.

Êxodo 10:3 Referencias Cruzadas

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Êxodo 10:4

Nĩkamas mĩ ana hatu nemaya meshukiri mĩ mai hirabi anu shini mirimahaira ẽ yunushanaii.

Êxodo 16:28

hanushũ Senhor Deusũ Moisés ana yuikĩ: —Ẽ yunuti hãtxa inũ ẽ yusiã hãtxa mã danainã, hatiã mã beshtekeshanai, ẽ ana matuki sinatayamashanunã?

Êxodo 4:23

Israelbu bushũ hau ea kẽwãtanũbũ mĩ hatu nemashinaki. Mĩ hatu nemakubaĩmiswẽ taeshũ mĩ huni bake iyua mĩ betxipaihairarã, ẽ tenãshanaii— akĩ na habias hãtxa Faraónẽ mĩ betsa Arão ea yuimashũshãwẽ— aka

Êxodo 5:1

Shaba betsatiã Egito shanẽ ibu Faraó anu Moisés inũ Arão kai hikishũ Arãonẽ Moisĩ hãtxa yuishũkĩ: —Israelĩ enabu mekenika Senhor Deusũ hãtxa mia yuinũ ea nĩkawe: ‘Hari tsua hiweabuma anushũ hau enabũ ẽ pepa shinaĩ besi nawatanũbũ hatu nemakĩ bashiyamashãwẽ’, akĩ, mia yuikiki— aka

Êxodo 9:17

Haska ẽ mia uĩmabiakubaina mĩ shinã betsa watã enabũ ea kẽwaĩ bupanãbũ mĩ hatu bashikubainaii.

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 1:24

Mã ea nĩkai benũbũ ẽ matu kenabia hushũ mã ea hawa nĩkakatsis ikamaki.

Provérbios 18:12

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

Isaías 1:5

Maturã, haskai mã danananaĩ sinatai henekatsi ikamamẽ? hawẽ ea kupi sharawe, ikarã. Matũ yurarã, tsuã hani matu ana kushati hayamaki. Matũ bushka ma matu makush makush akabu mã isĩ teneaii. Haskawẽ taea matũ kushipa benui mã ma babui keyuaki.

Daniel 5:22

Shanẽ ibuhaira Belsazarĩ, mĩ hawẽ babã mĩ hutxi haskani unãbiai ibubis miari keĩ mĩ pe hiweamaki.

Números 14:27

—Hatiã ea nĩkashanaibu teneshũ hatu manakubaĩpa, ea yuaĩ eki ha ikaibu ẽ nĩkashuwẽ taea ha Israelĩ enabu txakabu yuananaĩ hãtxawaĩburã?

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Santiago 4:10

Hanua xinã betsai babutã nukũ Shanẽ Ibu bebũshũ yuikĩ: “Eãnã, txakabu besti ẽ akubaĩmiski. Ẽ txakabu ea buashũtã ana xinãma ea mekekubaĩwẽ”, mã akubainai duawakĩ Deusũ hawena wakĩ matu kẽwãkĩ binumashanikiki.

1 Pedro 5:6

Txanima Deusũ kuxipawenã, matu ashũtiru hayawẽ taea babutã keãma manakakubaĩkãwẽ. Hanu akaitiã Deusũ matu duawakĩ shanẽ ibu wakĩ kẽwãshanikiki.