Êxodo 3:18 - Kaxinawá Bíblia (BR)

¹⁸ Mĩ hatu haska wa mia nĩka pewashãkanikiki. Haskakẽ Egito shanẽ ibu bena anu hatubetã uĩ kashũ shanẽ ibu yuikĩ: “Hebreubu mekenika Senhor Deus tashnikirã nukuki ma nukushinaki. Haskakẽ nuku heneyuwe, shaba dabe inũ besti ushakaĩ nukũ mekenika Senhor Deus kẽwãkĩ txashuwã itxapa tesẽshũ kuakĩ nũ benimawayui kairã”, akĩ ha shanẽ ibu haska ekiri yuishũtãshãwẽ.

Êxodo 3:18 Referencias Cruzadas

Gênesis 12:1

Hanushũ betsatiã Senhor Deusũ Abrão yunukĩ yuikĩ: “Mĩ mae anua kaĩkaĩkĩ minabu shunũbaĩkĩ pashkabaĩwẽ. Mĩ mai henekĩ mĩ epã enabu henekĩ mĩ epã hiweri henebaĩwẽ, hari mĩ hiweshanai anu ẽ mia uĩmashanai anu kakinã.

Gênesis 14:13

Hanua Manre Amorreu nawa shanẽ ibu hawẽ mae Manre ni shukua merã hiwea Manre inũ hawẽ betsabu Escol inũ Anerã, Abrão hatũ haibuwẽ taea hanua huni bestitxai hune pasha hushũ haska detenamebaĩshinabu Abrão Hebreu nawa yuinikiaki.

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 48:3

José uĩkĩ yuikĩ: —Epaã, ẽ mia hãtxa waii. Unu Canaã mai pakea anu mae Luz anushũ Deus kushipahaira dasibi binua eki nukutã ea duawakĩ eska ea hãtxa wakĩ yuikĩ: “Uĩwẽ. Eanã, ẽ mia bake itxapa inãshanaii. Mĩ bababu paibu habiabus ẽ hatu shukua tibi washanaii. Na Canaã mai pakea ẽ habus yununũbariaii, niti akamarã”, ea waniki.

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

Êxodo 10:3

Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.

Êxodo 17:5

Senhor Deusũ Moisés kemakĩ: —Minabu itxapa bashiyubaini kakĩ Israelĩ enabu shanẽ ibu betsabube besti mia dukũ bebukaĩ ha Egito anushũ mĩ mestẽti hiwẽ ha ianẽwã mĩ hawẽ bekushima bukĩ tsumabaini kashũ ha Mati Horebe anushũ ẽ mia manai nikẽ ha mishkipãwã mĩ mestẽtiwẽ kushashãwẽ. Mĩ hawẽ kusha ũpash tuei habashanikiki, minabũ hau akubaĩnũbunã— aka Moisĩ hatu iyui kakĩ Israelĩ enabu shanẽ ibubũ berubi ha mishkipãwã hawẽ mestẽtiwẽ Moisĩ kusha hawaira ũpash tuei ishtxunikiaki.

Êxodo 19:1

Egito anua kaĩbirani beima ma ushe dabe inũ besti binukainaya hanu tsua hiweabumanu hawẽ kena Sinai anu Israelĩ enabu hikinibukiaki.

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Êxodo 3:16

—Ẽ mia haska wa kashũ Israelĩ enabu shanẽ ibubu itxawatã hatu yuikĩ: “Senhor Deusũ matũ shenipabu Abraão inũ, Isaque inũ, Jacó mekekĩ duawapaunitũ ea betxitã matukiri shinãkĩ Egito anushũ matu itxakawa txakayamaibu matu uĩmis shũ ea yuishinaki.

Êxodo 4:1

Moisĩ Senhor Deus ana yuikĩ: —Enabu ẽ hatu yuibia ea ikũwãma ea yuikĩ: ‘Nukũ mekenika Deus miki nukutã mibe hãtxamaki’, ea wakĩ ea yuishãkanikiki. Hatu haska washãpa?— aka

Êxodo 4:23

Israelbu bushũ hau ea kẽwãtanũbũ mĩ hatu nemashinaki. Mĩ hatu nemakubaĩmiswẽ taeshũ mĩ huni bake iyua mĩ betxipaihairarã, ẽ tenãshanaii— akĩ na habias hãtxa Faraónẽ mĩ betsa Arão ea yuimashũshãwẽ— aka

Êxodo 4:24

Abraão hiwekũkaunaitiã hawara Deusũ Abraão yununi shinãma hawẽ huni bake iyuatũ hina kubitxi Moisĩ meshteama iyamakẽ Egitokiri bai kawẽ bui hanu ushaibu anu haki nukushũ kupikĩ Senhor Deusũ Moisés tenãpanã

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Êxodo 5:1

Shaba betsatiã Egito shanẽ ibu Faraó anu Moisés inũ Arão kai hikishũ Arãonẽ Moisĩ hãtxa yuishũkĩ: —Israelĩ enabu mekenika Senhor Deusũ hãtxa mia yuinũ ea nĩkawe: ‘Hari tsua hiweabuma anushũ hau enabũ ẽ pepa shinaĩ besi nawatanũbũ hatu nemakĩ bashiyamashãwẽ’, akĩ, mia yuikiki— aka

Êxodo 5:3

Moisés hawẽ betsa Arãobetã Faraó ana yuikĩ: —Hebreu nawabũ mekenika Deusũ nuku yuimaki. Haskawẽ taea nukũ mekenika Senhor Deus kẽwanũ ika hari tsua hiweabuma anua shaba dabe inũ besti bui hanu hikitã kẽwãkĩ txashuwã itxapa tesẽshũ nũ kuashanaii. Nũ haska wakĩ kẽwãmakẽ nuku kupikĩ tenãtiruki, isĩ paepa tenemaimẽkaĩ, nukuki sinataibũ nupewẽ nuku detetirubumẽkaĩ— aka

Êxodo 7:16

Mã hari ka aki nukutã Faraóne ea yuishũkĩ: —Hebreubu mekenika Senhor Deusũ mianu ea yunushuki. Mia yuikĩ: “Hanu tsua hiweabuma anushũ enabũ ea kẽwaĩ hau bunũbũ ana hatu nemayamawe. Ẽ mia yuibia mĩ ea nĩkariamaki.

Êxodo 8:1

hanushũ Senhor Deusũ Moisés ana yuikĩ: —Faraó anu ana kashũ ea yuishũtãwẽ: “Senhor Deusũ mia yuiai nĩkawe. Enabũ hau ea kẽwaĩ butanũbũ hatu ana nemayamawe.

Êxodo 8:20

hanushũ Senhor Deusũ Moisés ana hãtxa wakĩ: —Meshukiri Faraó penama hene kesha butuikiki. Mia dukũ penamahaira butukaĩ haki nukushũ eska Faraó yuishãwẽ: “Nukũ mekenika Senhor Deusũ eska mia yuikiki. Nĩkawe: Enabũ hau ea kẽwaĩ bunũbũ hatu ana bashikĩ niti ayamawe.

Êxodo 8:23

Minabu inũ enabu anua mia uĩmakĩ betsahairawashũkĩ hawẽ matu dateti dami meshukiri ẽ mia washũshanaii”, akĩ habias hãtxa ẽ mia yuiai Faraó ea yuishũshãwẽ— aka

Êxodo 9:1

Faraónẽ hatu haska washinawẽ taeshũ Senhor Deusũ Moisés ana yuikĩ: —Faraó anu ana kashũ ea yuishũkĩ: “Hebreubũ mekenika Senhor Deusũ eska mia yuikiki. Nĩkawe: Hau ea kẽwaĩ bunũbũ enabu ana hatu bashiyamashãwẽ.

Êxodo 9:13

hanushũ Senhor Deusũ ana Moisés yuikĩ: —Penamahaira butukaini kashũ Faraó bebũ nishũ ea yuishũkĩ: “Hebreubũ mekenika yushĩ Senhor Deusũ eska mia yuikiki. Nĩkawe. Enabũ ea kẽwaĩ buaibu ana hatu bashiyamashãwẽ.

Isaías 64:5

Tsuara benimakĩ haska mĩ betxipaiai keska akaibu mĩ hawa hatu danãma nĩkatã merabewamiski. Mĩ haska betxipaiai keska hakimama mia ashunũbũ mĩ haska hatukiri shinãkubaĩmiski. Ha dukũ nũ mia txakabuwakĩ taewani bari itxapatiã ha txakabuwẽ taea ha shinaĩ mĩ nukuki sinatakũkainaii.

Jeremias 2:2

“Jerusalém anu kashũ hari hiweabu ea hatu hãtxa washũtãwẽ, hau nĩka pe wanũbũ hui kushipawẽ hatu yuitãwẽ: ‘Eska Senhor Deusũ matu yuikiki. Matũ shenipabu aniburiama inũ yushaburiabumã ẽ hãtxa txibãkĩ ea danãma inibu ẽ hatu shinaiĩ. Ẽ hatu aĩwãkĩ akawa ea betxipainibuki. Hanu tsua hiweshũ mibãkĩ uruisbumanu ẽ hatu iwea kapukekubirãkĩ matũ shenipabũ ea txibãkubiranibuki.’

Jeremias 2:6

Matũ shenipabu Egito anua ẽ hatu tashnimabirãkĩ mai txakabu tashka ũpash hayama anu inũ, hamapai mese tibi haya hanu tsua hiweama inũ, hanu tsua kapukekaĩsma anu hatu iwekubirãkĩ nenu ẽ hatu hiwemabiani ẽ ana hatu merabewatiruma dabanẽ ikĩ ea ana benakĩ matũ shenipabũ ea shinãma inibuki.

Jeremias 26:5

inũ ẽ dayarubu ẽ hãtxa yuishunikabu ẽ matu anu yunukubaina matu yusĩbiabu mã hawa nĩkama ẽ hãtxa mã danãmisbuwẽ taeshũ

Josué 1:17

Moisĩ hãtxa nũ nĩkakubirãshina keska wakĩ miãri mĩ nuku yunuai nũ mia txibãriakubaĩshanaii. Eskakiri nũ mia shinaiĩ. Moisés merabewakĩ amakubirãshina keska wakĩ mĩ mekenika Senhor Deusũ hau mia merabewariakubainũwẽ.