Êxodo 14:5 - Kaxinawá Bíblia (BR)

⁵ “Israelĩ enabu ma pashashinabuki”, akĩ Egito nawa shanẽ ibuhaira Faraóki txaniabu hawẽ shanẽ ibu beshmasbubetã Faraónẽ shinã betsawatã: “Nũ hawa shinãmakẽ pashaibũ nũ hatu nemama ishiãki. Nuku tsuã ana dayashũtirumaki”, iki yuinamea akeakeaibũ

Êxodo 14:5 Referencias Cruzadas

Gênesis 31:22

Hanua Jacó pashai haska kaĩshina ma 3 shaba ma kaya Labão yuiabu nĩkatã

Êxodo 12:33

Israelĩ enabu dasibi hau hawaira bunũbũ hatuwẽ datekĩ shinaĩ: “Hatuwẽ taea nukuri nũ mawatirumẽkaĩ”, iki yuinamekĩ hatũ mai hirabi anushũ Egito nawabu dasibibu hatu nitxĩbaunaibũ

Êxodo 14:4

Hanushũ ana Faraó ẽ nĩkaisma wakẽ patapakĩ matu ana atxinũ ishũ hawẽ detenamenikabubetã Faraónẽ matu txibãshanikiki. Matu haska waya Faraó inũ hawẽ detenamenikabu ẽ hatu yamawaiwẽ taeshũ ‘Earã, ẽ Senhor Deus emebi ẽ hiwearã’, hawenabu Egito nawabũ ea hanu unãkayabishãkanikiki”, akĩ hatu unãmashũ Senhor Deusũ hatu yunua Israelĩ enabu txĩtũbiranaibũ

Êxodo 14:6

hanua Faraónẽ hatu txibãkatsi hawẽ cavalo tarãbaĩti hau pewanũbũ hatu yunua ma pewakĩ keyuabu 600 cavalo tarãbaĩti pepas inũ cavalo tarãbaĩti itxapa betsa pe beshmas dasibi Faraónẽ hatu itxawamatã shanẽ ibu beshmasbũ habũ tarãbaĩti shukua tibi hatu yunukubainaibu hatu txibãmakĩ: “Israelĩ enabu atxinũ”, ika bukĩ Faraónẽ hawẽ detenamenikabubetã hatu txibãbainaibũ

Êxodo 15:9

Hanua Egito detenamenikabũ shinãkĩ: ‘Hatu txibãbaĩ atxishũ hatũ mabu mebĩshũ pashkanũ bukãwẽ, hatu haska wai nũ benimanũbunã. Hanua derati kenuhaira txaipa sitã ẽ mekẽwẽ bais bais akĩ ẽ hatu yama washanaii’, ikaibũ