2 Pedro 1:9 - Kaxinawá Bíblia (BR) Hakia tsuabura haskakubainabumarã, bekũmã hawẽ hiwea haskashanai unãtiruma keskabuki. Deusũ hatũ txakabu ma hatu buashũbiani ana habũ xinãkatsi ikama hakimatã Deuskiri ana xinãbumaki. Kashinawa : Diosun Jesúswen taexun yuba bena yiniki Jakia tsuabuda jaskakubainabumadan, bekunman jawen jiwea jaskaxanai unantiduma keskabuki. Diosun jatun chakabu ma jatu buaxunbiani ana jabun shinankatsi ikama jakimatan Dioskidi ana shinanbumaki. |
Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka
nĩkatã Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka
Haskawẽ taea matũri xinã bena wai mawa keskatã dasibi txakabu henebaini Jesus Cristoki dasitã Deus benimawanũ ika haskakiri besti xinaĩ hiwekubaĩkãwẽ.
Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.
Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.
Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.
Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.
Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.
Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.
Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.
Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii.