2 Pedro 1:8 - Kaxinawá Bíblia (BR)

⁸ Mã haska tibi haya mã hawẽ ewairã, txanima nukũ Shanẽ Ibu Jesus Cristo unãkĩ mã hamẽ haibuwamaki. Ha inũ, matũ hiwearã, hamẽmari ishanikiki.

Kashinawa : Diosun Jesúswen taexun yuba bena yiniki

⁸ Man jaska tibi jaya man jawen ewaidan, chanima nukun Xanen Ibu Jesucristo unankin man jamen jaibuwamaki. Ja inun, matun jiweadan, jamenmadi ixanikiki.

2 Pedro 1:8 Referencias Cruzadas

Provérbios 19:15

Tsuara txikish usha besti shinaĩ usha bestikũkaĩmisrã, dayamawẽ taea buni tenekubaĩshanikiki.

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Mateus 20:3

hanua ma 9:00 horaya hawẽ mae namakis hemaĩtĩ anu huni betsabũ hawawama uĩkĩ

Mateus 20:6

hanua ma bari hiki kemaya ana hawẽ mae namakis hemaĩtĩ anu kashũ huni betsabũ hawawama uĩkĩ hatu yukakĩ: “Hawai bari txaitanai mã dayama ibaiai?” hatu wa

Mateus 25:26

hanushũ shanẽ ibũ yuikĩ: “Mĩ ẽ tsuma txakabu txikixtxakamaki. Txanima dayakĩ hawa mibã banaumabia ẽ itxawamiski. Ha inũ, heshe sa akamabia ẽ itxawariamiski.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

João 5:42

Hamẽ eãnã, ẽ matu unaiĩ, Deus nuimis keska hayama mã ikũkainairã.

Romanos 12:11

Ha inũ, hawara nukũ Shanẽ Ibũ abuai dayashũkĩ ibubis txikixama hamapai tibi xinãkĩ huĩtinĩ xinaĩ benima paewẽ ashũkubaĩkãwẽ.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 13:5

Haskakẽ matu anu ẽ ana kariamakẽ Jesus Cristo matuki dasia mã haska ikũwãkĩ pewaimẽkaĩ. Matũmebi uĩkĩ matũ xinã uke merã unãkãwẽ. Betsabũ mã ikũwaĩmẽkaĩ. Betsabũ mã daki ikũwãbumaki. Matũmebi ibubis unãtinãkãwẽ, haska mã kaneamamẽkainã.

2 Coríntios 8:2

Hatu bika tenemabiaibũ yumãbiakĩ haska xinãma hatũ huĩti nixmama nuitapabiai benimakubaĩkĩ hawa yauxiama hatũ pei itxawakĩ: “Eskarabes nũ hayabũ hawara nũ haya hatu inãkĩ Jesus ikũwaĩbu Jerusalém anua merabewanãkãwẽ”, iwanã, itxapa itxawaimabuki, pei itxapa hayabu keskakinã.

2 Coríntios 8:7

Matunã, ikũwãkĩ betsabu mã hatu binumiski, Cristõ kakape ikũwãkĩ inũ, Deusũ hãtxa shabakabi unãkĩ inũ, shabakabi unãnepakĩ inũ, hamapai Deus mã ashũtiru akĩ inũ, haska merabewati nuku anua nui mã tapĩmiswẽ taea ikũwaĩbu betsa mã hatukiri xinaĩnã matũ nuikipa uĩmakĩ Jerusalém anuabu nuitapaibu hatu merabehairawakãwẽ, betsabũ akima binumakinã.

2 Coríntios 9:14

Ha inũ, haska bestiwama haska duahairawakĩ matuwẽ Deusũ hatu merabewai habũ unãkĩ matu abukĩ Deus matu yukashũkubaĩshãkanikiki.

Filipenses 1:9

Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,

Filipenses 2:5

Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Colosenses 2:7

Haska matu yusĩmisbu txibãkĩ bari tibi heneama ana uke merã ikũhairawakubaĩkĩ Cristokiri tapiĩ ewakaĩkĩ matu pepawaikiri Deus kẽwãkubaĩkãwẽ.

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Timóteo 5:13

Haska inũ, yushaburiama hatũ piti inũ hatũ mabu inãkĩ mã hatu merabewaiwẽ taea haska besti bi ana dayakatsi ikama hiwe tibi anu besti hikikũkauni txikix pikutirubuki. Ha txikix pikuimarã, haska bestiama hiwe betsa tibi anu tsaushũ hatubetã txani yui inũ betsabuki txanitxakakĩ haska txani yui beyatirubuki, haskai txakabui pikuirã.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Filemom 1:6

Mia haska washũkinã, nũ haska Jesus Cristo ikũwãkĩ txibaĩ keska miãri haska xinãkĩ hawẽ pepawẽ Deusũ nuku dasibi duawamis mĩ nĩka pewanũ ẽ mia Deus yukashũkubaĩmiski.

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.

2 Pedro 1:2

Deus inũ nukũ Shanẽ Ibu Jesus haibuwakĩ mã hatu unãhairaya unãnuma matu hiwemakĩ matu duawatxakayamai bikubaĩkãwẽ.

2 Pedro 1:3

Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.

2 Pedro 2:20

Ha dukũ Nukũ Shanẽ Ibu mekenã Jesus Cristo unãtã hatũ txakabu putakĩ pewabiani habias txakabũ ana hatu atxishũ yabuarã, beshmas ibiani ana txakabui pikuhairamisbuki.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro