Apocalipse 3:17 - Kaxinawá Bíblia (BR)17 Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii. Ver CapítuloKashinawa : Diosun Jesúswen taexun yuba bena yiniki17 Jaska inun, matumebi shinankin yuikin: Mabu ichapa jaya pei ichapa jaya dasibi en jayaki, ikin man shinanbiakin en yusian shinankin man chibanbumawen taea man ibubis nuitapai jawa jayama bekun tadiuma keska man jiwekunkainaii. Ver Capítulo |
Ha dikabi mã ikis hiweaburã, pestã Senhor Deusũ hãtxa nĩkakãwẽ. Israelĩ enabuũ, earã, mã ea uianã, ẽ hanu tsua hiweabumanu keskamẽ, hawa hayamarã? Mai anu bari pesheama ẽ matu anua hunea keskamẽ? Ẽ haska matu ishuĩsmaki. Enabuũ, haskai hãtxa txakabukĩ yuikĩ: ‘Nukũ yununika nũ hayamawẽ taea mia anu nũ ana txĩtũkatsi ikamaki’, mã ikũkainai?
Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.
Haskawẽ taeshũ ekiri matu xinãmanũ ea nĩkakãwẽ. Earã, ẽ pemahairaki. Ibubis ẽ hiweawẽ Deusũ yununi ẽ tapĩkĩ hawẽ hãtxa txibaĩ ẽ peai dabanẽ ẽ imisrã, haskamahairaki. Ẽ xinã babu txakabũ ea yunumiski. Ea ẽ pe hiweismarã, tsuã ẽ yurawẽ ha Deusũ yununi ẽ txibãbiaya txakabũ tsumatã ẽ hiwea ea benumakĩ ea tenaĩnã, tsuã ea merabewatirumabiakẽ nukũ Shanẽ Ibu Jesus Cristõ ea merabewakĩ ẽ txakabu ea buashuniwẽ taeshũ Deus besti hawẽ taeshũ ẽ kẽwãkubainaii.
Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya