1 Pedro 3:21 - Kaxinawá Bíblia (BR)

²¹ Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

Kashinawa : Diosun Jesúswen taexun yuba bena yiniki

²¹ Januxun natian Jesús man ikunwanyan ja jenewen Diosun jatu kupini man shinanyan jabun matu nashimakin matun yuda detsis chukaisbumaki. Jakia nukun chakabu Diosun buatan nukun shinan jau nuku pewaxunkubainun nuku imamisbuki. Jakia nukubu paxaidan, Jesucristo besteni ja besti chibankubaini nun ixankanaii.

1 Pedro 3:21 Referencias Cruzadas

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Marcos 16:16

Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.

João 13:9

Simão Pedrõ yuikĩ: —Haskakenã, Shanẽ Ibuũ, ea hutxu bestiama ea metxukĩ ea butxuriawe— aka

Hechos 16:33

nĩkatã mexubiakẽ hatu kuxaxinabu su ika hene habaibu hawaira ũpashwẽ hatu txukatã hanushũ habe hiweabubetãs Jesus mekenã ikũwãkãshuwẽ taeshũ Paulo inũ Silasĩ hatu naximabu

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 22:16

“Haskakenã, ana hatishuĩra manama mĩ Deuskiri txakabukũkaĩmis hau mia buashunũ Jesusũ kenawẽ taeshũ ẽ mia naximai kanũ beniriwe”, ea waniki.

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

Romanos 5:14

Haskakẽ Deusũ Adão damiwashũ hari hiwemani anua inũ hanu Moisés hiwenitiã Moisés Deusũ hãtxa yurabu yusĩkĩ taewariama hawẽ yunua keskawẽ txakabui yurabu ibubis mawakubainibukiaki, Adão keskakĩ Deus nĩkama inũ txakabu betsa betsapa wakubainirã. Ha dukũ huni Adão Deusũ damiwaniki. Hatũ txakabuwanikẽ hanua huni betsa pepa Adão binua ha katxu hau hushanũ Deusũ yubani hushũ hatũ hiweti bai bena nuku washuniki.

1 Coríntios 12:13

Habiaskari wakĩ nũ habũ ikũwaĩ tibi judeubu inũ judeubuma inũ, escravo dayaru inũ tsuã dayarumã nũ Jesus ikũwãyã nuku duawakĩ habias Yushĩ Pepa Deusũ ma nuku inãkeakekẽ ikũwaĩ betsabuki dasinũ nũ ikaya henewẽ nuku naximabu ha Yushinĩ nukũ yura bestitxai keska wamiski.

1 Coríntios 4:6

Ẽ betsabu inũ ẽ puibuũ, Deusũ hãtxa hakimama yusĩnã betsa itxakawama hau betsari kẽwãyamanũbũ matu kene bumakĩ ẽ Paulo inũ Apolo haska nũ hiwemiskiri besti ẽ matu keneshunaii, hau nũ imis keskai nuku mawai mã hiwekubainũbunã. Haska Deusũ hãtxa kenenibu besti xinãkĩ matũmebi akama yusĩa betsawẽ ha kenenibu binumayamakãwẽ, tapĩkinã.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 3:27

Haska inũ, mã Cristo ikũwãkĩ hatu unãti wamanũ ikaya matu naximabu mã tari sawemis keska wakĩ Cristoki dasikĩ mã ma tari sawekĩ akawaniki.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Colosenses 2:12

Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.

1 Timóteo 1:5

Na haskakiri xinãkĩ ẽ mia yunuairã, tsuabura hatũ huĩti detsisma pepawẽ xinãkĩ dakeama Jesus Cristo ikũ kayabi waibu hau hatuwẽ nui nũ habube abunamekubainũbũ haskabu besti ikũwaĩbu txanima hatu yusĩkubaĩwẽ.

1 Timóteo 6:12

Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 11:19

Haska Deusũ ashuã uĩkĩ hawẽ kuxipakiri Abraãonẽ tapĩniki, Deusũ mawabu bestẽwãtirukiri tapĩkinã. Haskawẽ taeshũ hawẽ bake inãkĩ Deus tenãshũbiai kashũ ana hawẽri hawẽ bake hiwea txĩtũwãbirãkĩ hawa wama ishu keska iwenikiaki. Haska wakĩ Deusũ kuxipa hawẽ xinãmati shabakabi hatu unãmaniki.

Hebreus 13:18

Ha inũ, Jesusũ hãtxa yusĩkĩ nũ pe txibãmis unãkĩ dasibi pe hiwekĩ nũ hatu pe uĩmakubainũbũ Deus dayuikĩ nukukiri ea ashũkubaĩkãwẽ.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.