Masalimo 36 - Buku Lopatulika

Kuipitsitsa kwa anthu, kukometsetsa kwa Mulungu

Kwa Mkulu wa Nyimbo. Salimo la Davide, mtumiki wa Yehova.

¹ Cholakwa cha woipayo chimati m'kati mwa mtima wanga, palibe kuopa Mulungu pamaso pake.

² Pakuti adzidyoletsa yekha m'kuona kwake, kuti anthu sadzachipeza choipa chake ndi kukwiya nacho.

³ Mau a pakamwa pake ndiwo opanda pake ndi onyenga, waleka kuzindikira ndi kuchita bwino.

⁴ Alingirira zopanda pake pakama pake; adziika panjira posati pabwino; choipa saipidwa nacho.

⁵ Yehova, m'mwamba muli chifundo chanu; choonadi chanu chifikira kuthambo.

⁶ Chilungamo chanu chikunga mapiri a Mulungu; maweruzo anu akunga chozama chachikulu, Yehova, musunga munthu ndi nyama.

⁷ Ha! Chifundo chanu, Mulungu, nchokondedwadi! Ndipo ana a anthu athawira kumthunzi wa mapiko anu.

⁸ Adzakhuta kwambiri ndi zonona za m'nyumba mwanu, ndipo mudzawamwetsa mu mtsinje wa zokondweretsa zanu.

⁹ Pakuti chitsime cha moyo chili ndi Inu, M'kuunika kwanu tidzaona kuunika.

¹⁰ Tanimphitsani chifundo chanu pa iwo akudziwa Inu; ndi chilungamo chanu pa oongoka mtima.

¹¹ Phazi la akudzikuza lisandifikire ine, ndi dzanja la oipa lisandichotse.

¹² Pomwepo padagwera ochita zopanda pake. Anawalikha, ndipo sadzatha kuukanso.