Numeri 23:22 - Buku Lopatulika

Mulungu awatulutsa mu Ejipito; mphamvu yake ikunga ya njati.

Chichewa Buku Lopatulika Bible 2014

Mulungu awatulutsa m'Ejipito; mphamvu yake ikunga ya njati.

Buku Loyera Catholic Edition - Chichewa

Mulungu adaŵatulutsa m'dziko la Ejipito, ali ndi mphamvu zonga za njati.

Mawu a Mulungu mu Chichewa Chalero

Mulungu wowatulutsa mʼdziko la Igupto, ali ndi mphamvu ngati za njati.

Numeri 23:22 Mawu Ofanana

Masalimo 22:21

ndipulumutseni m'kamwa mwa mkango; inde mwandiyankha ine ndili pa nyanga za njati.

Masalimo 68:35

Inu Mulungu, ndinu woopsa m'malo oyera anu; Mulungu wa Israele ndiye amene apatsa anthu ake mphamvu ndi chilimbiko. Alemekezeke Mulungu.

Masalimo 92:10

Koma munakweza nyanga yanga ngati ya njati; anandidzoza mafuta atsopano.

Eksodo 12:41

Ndipo kunakhala pakutha zaka mazana anai kudza makumi atatu, inde panakhala tsiku lomwelo, makamu onse a Yehova anatuluka m'dziko la Ejipito.

Eksodo 12:51

Ndipo kunakhala tsiku lomwelo, kuti Yehova anatulutsa ana a Israele m'dziko la Ejipito, monga mwa makamu ao.

Eksodo 14:18

Ndipo Aejipito adzadziwa kuti Ine ndine Yehova, polemekezedwa Ine pa Farao, pa magaleta ake, ndi pa okwera pa akavalo ake.

Eksodo 20:2

Ine ndine Yehova Mulungu wako, amene ndinatulutsa iwe ku dziko la Ejipito, kunyumba ya ukapolo.

Eksodo 9:16

Koma ndithu chifukwa chake ndakuimika kuti ndikuonetse mphamvu yanga, ndi kuti alalikire dzina langa padziko lonse lapansi.

Yesaya 34:7

Ndipo njati zidzatsika ndi iwo, ndi ng'ombe zofula ndi zamphongo; ndi dziko laolao lidzanona ndi mafuta.

Numeri 22:5

Ndipo anatuma amithenga kwa Balamu mwana wa Beori, ku Petori, wokhala kumtsinje, wa dziko la anthu a mtundu wake, kuti amuitane, ndi kuti, Taonani, anatuluka anthu m'dziko la Ejipito; taonani, aphimba nkhope ya dziko, nakhala popenyana ndi ine.

Numeri 24:8

Mulungu amtulutsa mu Ejipito; ali nayo mphamvu yonga ya njati; adzawadya amitundu, ndiwo adani ake. Nadzamphwanya mafupa ao, ndi kuwapyoza ndi mivi yake.

Deuteronomo 33:17

Woyamba kubadwa wa ng'ombe yake, ulemerero ndi wake; nyanga zake ndizo nyanga zanjati; adzatunga nazo mitundu ya anthu pamodzi, kufikira malekezero a dziko lapansi. Iwo ndiwo zikwi khumi za Efuremu, iwo ndiwo zikwi za Manase.

Yoswa 2:10

Popeza tidamva kuti Yehova anaphwetsa madzi a mu Nyanja Yofiira pamaso panu, muja mudatuluka mu Ejipito; ndi chija munachitira mafumu awiri a Aamori okhala tsidya la Yordani, ndiwo Sihoni ndi Ogi, amene mudawaononga konse.