Iósua 10 - An Bíobla Naomhtha 1817 (Bedell)

Caibidil X. Iosua, ar tarrthail Ghibeon o na cúig ríghthibh, sdad an ghrian agus an ghealach láoi iomlán a lár neimhe.

¹ Anois táinic a ccrích, a núair do chúaluidh Adonísedec righ Ierusalem mar re ghabh Iosua Ai, agus gur dhíothlaithrigh sé thríd amach í; mar do rinne re Iericho agus re na rígh, marsin do rinne re Hái agus re na righ; agus mar do rinneadar muintir Ghibeon síth ré Israel, agus mar do bhádár na measg;

² Gur eagluigheadar go mór, do bhrígh go raibh Gíbeon na cathruigh mhóir, mar aon do na caithreachaibh ríoghamhla, agus do chionn gur mhó í ná Ai, agus go rabhadar a daoine uile láidir.

³ Uimesin do chuir Adonisedec rígh Ierusalem fios go Hoham righ Hebron, agus go Píram rígh Iarmut, agus go Iophia rígh Lachis, agus go Debir rígh Eglon, gha rádh,

⁴ Tigidh suas chugamsa, agus cuidighe liom lé mbúailfimís Gibeon: óir do rinne sé síth re Iosua agus re cloinn Israel.

⁵ Ar a nádhbharsin do chruinnigheadar cúig ríghthe na Namoriteach íad féin a cceann a cheile, rígh Ierusalem, rígh Hebron, rígh Iarmut, rígh Lachis, rígh Eglon, agus do chúadar súas, iad féin agus a slóigh uíle, agus do chomhnuigheádar a naghuidh Gibeon, agus do rinneadar cogadh na haghaidh.

⁶ ¶ Agus do chuireadar muintir Ghibeon fios chum Iosua don champa go Gilgal, gá rádh, Ná mainneachdnuigh do lámh ód sherbhíseachuibh; tárr chuguinn tráth, agus sáor sinn, agus tárthuigh sinn: oir atáid na ríghthe nan Amoriteach áitreabhus air na sléibhtibh uile ar ccruinniughadh ar naghuidh.

⁷ Annsin do chuáidh Iosua súas ó Ghilgal, é féin, agus a luchd coguidh uile ná fhochair, agus na gaisgidh neartmhara uile.

⁸ ¶ Agus a dubhairt an TIGHEARNA ré Iosua, Ná heagluighthear thú rompa: óir do sheachuid misi ad laimh íad; ní sheasfa duine dhíobh romhad.

⁹ Tháinic Iosua ar a nadhbharsin chuca go hobann, agus do chuáidh sé súas ó Ghilgal ansa noidhche,

¹⁰ Agus do chlaóidh an TIGHEARNA íad roímhe Israel, agus do mharbh íad re hár mór a Ngibeon, agus do thiomáin íad ar fud na sligheadh théid súas go Betóron, agus do bhúaileadar íad go Asecah, agus go Macedah.

¹¹ Agus tárla, mar do bhádar ag teithiomh roimhe Israel, agus iad ag dul ré fanuidh go Betóron, gur theilg an TIGHEARNA clochá móra a núas ó neamh orra go nuige Asecah, agus gur marbhadh íad: ba mó an mhéid do marbhadh le cloichshneachda dhíobh, ná ar mharbhadar clann Israel leis an ccloidheamh.

¹² ¶ Ann sin do labhair Iosua ris an TTIGHEARNA an sa lá thoirbhir an TIGHEARNA na Hámorítigh súas roimhe chloinn Israel, agus a dubhairt sé a radharc Israel, A ghrían, fan ad chomhnuighe ar Ghibeon; agus a ghealaidh, a ngleann Aialon.

¹³ Agus dfan an ghrían na sheasamh, agus do sdad an ghealach, no gur dhioghladar na dáoine íad féin air a námhuidh. Nach bhfuil so scríobhtha a leabhar Iaser? Mar sin dfan an ghrían na sheasamh a lár neimhe, agus nior dheifrigh ar dhul fáoi timchioll laoí iomláin.

¹⁴ Agus ní raibh éanlá ríamh cosmhuil ris sin roimhe nó na dhiáigh, gur éist an TIGHEARNA re guth duine: óir do throid an TIGHEARNA ar son Israel.

¹⁵ Agus dfill Iosua, agus Israel uile maille ris, don champa go Gilgal.

¹⁶ ¶ Ach do theithiodar na cúig righthesi, agus do dfoluigheadar íad féin a núamhuigh ag Macedah.

¹⁷ Agus do hinniseadh sin do Iosua, ghá rádh, Do fríth an cúigear righthe a núamhuigh ag Macedah.

¹⁸ Agus a dubhairt Iosua, Iompóidh clocha móra ar bhéul na húamha, agus cuirigh dáoine láimh ría dhá ccoimhéad:

¹⁹ Ach ná fanuighsi, leanuidh a ndiaigh bhur námhad, agus búailidh a ndeireadh; ná léigidh dhóibh dul a steach da gcaithreachuibh: óir do thoirbhir bhur TTIGHEARNA Día ann bhur lamhuibh íad.

²⁰ Agus tárla, a núair do chriochnuigh Iosua agus clann Israel a marbhadh lé hár ro mhór, nó gur sgriosadh íad, go ndeachadar an mhéid do mhair díobh a steach a gcaithreachaibh daingne.

²¹ Agus do fhilleadar an pobal uile don champa go Iosua a Macedah a síothcháin: níor chorruidh éanduine a naghaidh áoin do chloinn Israel.

²² ¶ Annsin a dubhairt Iosua, Oscluigh béul na húamha, agus tabhair chúgam amach na cúig righthe sin as a núamhaigh.

²³ Agus do rinneadar mar sin, agus tugadar na cúig ríghthe sin chuige amach as a núamhuigh, rígh Ierusalem, rígh Hebron, rígh Iarmut, rígh Lachis agus rígh Eglon.

²⁴ Agus tárla, a núair thugadar na righthesin amach go Iosua, gur ghoir Iosua ar fhearuibh Israel uile, agus a dubhairt sé re caiptínibh an luchd cogaidh do chúaidh leis, Druididh a leith, cuirfidhe bhur ccosa ar mhuinealuibh na rioghso. Agus tangadar láimh ris, agus do chuireadar a ccosa ar a muinealuibh.

²⁵ Agus a dubhairt Iosua riú, Ná húambnuighthear sibh, agus ná bithí imshuíomhach, bíthí láidir agus láinbhéodha: óir is marso do dheana an TIGHEARNA ré bhur naimhdibh uile re a ttroidfigh:

²⁶ Agus na dhiáighsin do bhúail Iosua íad, agus do mharbh sé íad, agus do chroch sé ar chúig crannuibh íad: agus do bhádar crochta ar na crannuibh go tráthnóna.

²⁷ Agus tárla a nam dul faói na gréine, gur fhúagair Iosua, agus tugadar a núas as na crannuibh íad, agus do theilgeadar an sa núamhuigh íad mar a rabhadar a bhfolach, agus do chuireadar clocha móra a mbéul na húamha, noch mhairios gus a niugh.

²⁸ ¶ Agus an lá céadnasin do ghabh Iosua Macedah, agus do bhúail í le faobhar an chloidhimh, agus a rígh do mharbh sé thríd amach, íad féin, agus a raibh danmannuibh inte; níor léig sé aon díobh as: agus do rinne sé ré rígh Mhacedah mar do rinne re rígh Iericho.

²⁹ ¶ Annsin do ghlúais Iosua ó Mhacedah, agus Israel uile maille ris go Libnah, agus do throid sé a naghaidh Libnah:

³⁰ Agus do thoirbhir an TIGHEARNA í mar an gcéudna, agus a rí, a láimh Israel; agus do bhúail se í lé fáobhar an chloidhimh, agus a raibh danmannuibh inte; níor léig sé áon díobh as dá raibh inte; agus do rinne sé ré na rígh mar do rine re rígh Ierícho.

³¹ ¶ Agus do ghluáis Iosua ó Libnah, agus Israel uile maille ris go Lachis, agus do champuigheadar na haghaidh, agus do throideadar na haghaidh:

³² Agus do sheachuid an TIGHEARNA Lachis a láimh Israel, noch do ghabh í an dara lá, agus do bhuail í le fáobhar an chloidhimh, agus a raibh danmannuibh inte, do réir a nuile neithe do rinneadar re Libnah.

³³ ¶ Annsin thainic Horam rígh Geser súas do chongnamh le Lachis; agus do bhuáil Iosua é féin agus a mhuintir, no gur fhág gan eanduine béo é.

³⁴ ¶ Agus do ghluáis Iosua ó Lachis go Heglon, agus Israel uile maille rís; agus do shuigheadar a ccampa re na huchd, agus do throideadar na haghuidh:

³⁵ Agus do ghabhadar í an lá sin, agus do bhuaileadar í lé fáobhar an chloidhimh, agus a raibh danmannuibh innte do marbhadh íad an lá sin, do réir gach éainneithe dá ndéarnadh ré Lachis.

³⁶ ¶ Agus do chuáidh Iosua súas ó Eglon, agus Israel uile maille ris, go Hébron; agus do throideadar na haghaidh:

³⁷ Agus do ghabhadar í, agus do bhuaileadar í lé faobhar an chloidhimh, agus a rígh, agus a caithreacha uile, agus a nuile anam dá raibh inte; níor fhág éanduine béo dhíobh, do réir a nuile ní dá ndearnadh re Heglon; ach do scríos go hiomlán í, agus a raibh danmannuibh inte.

³⁸ ¶ Agus do fhill Iosua, agus Israel uile maille ris, go Debir; agus do throid na haghuidh:

³⁹ Agus do ghabh í, agus a rígh, agus a caithreacha uile; agus do bhuaileadar íad lé faobhar an chloidhimh, agus do mharbhadar a raibh danmannuibh innte; níor fhág aon béo: mar do rinne sé re Hébron is mar sin do rinne re Debir, agus re na rígh; mar do rinne fós re Libnah, agus re na rígh.

⁴⁰ ¶ Mar sin do bhuáil Iosua tír na slíabh, agus an taoibh ó dheas, agus na gleánnta, agus na sruth, agus a ríghthe uile: níor fhág neach béo dhíobh, ach do scrios sé uile an mhéid iona raibh anáil, mar do aithin an TIGHEARNA Día Israel.

⁴¹ Agus do bhuáil Iosua íad ó Chadesbarnéa go nuige Gása, agus tír Ghosen uile, go nuige Gibeon.

⁴² Agus do ghabh Iosua na ríghthesin uile agus a ndúithche a néainfheachd, do chionn gur throid an TIGHEARNA Día Israel ar son Israel.

⁴³ Agus do fhill Iosua, agus Israel uile maille ris, don champa go Gilgal.