Iób 27:21 - An Bíobla Naofa 1981

Ardóidh an ghaoth anoir ón talamh é, agus béarfaidh sí léi é, Sciobfaidh sí é óna áit chónaithe.

An Bíobla Naomhtha 1817 (Bedell)

Beiridh án gháoth a noir lé é, agus imthighidh sé: agus amhuil anfa tiománuigh as a áit é.

Iób 27:21 Tagairtí Cros

Iób 18:18

Tiomáinfear é ó sholas go dorchadas, Agus ruaigfear as an saol é.

Iób 20:8

Baileoidh sé leis ar nós brionglóide agus ní bheidh fáil air. Imeoidh sé leis dála aisling oíche.

Iób 21:18

An cuma iad nó diasa á séideadh ag an ngaoth, Nó cáith a scuabadh ag an stoirm?

Iób 30:22

Ardaíonn tú ó thalamh mé le hiompar ag an ngaoth, Agus suaitheann tú mé i súil na stoirme.

Iób 7:10

Ní thagann sé abhaile arís, Agus ní aithneoidh a áitreabh é a thuilleadh.

Salm 102:10

Óir ithim luaithreach mar a ithim arán; agus meascaim mo dheoch le deora,

Salm 11:6

Fearfaidh sé tine agus ruibh ar na peacaigh: gaoth fheannaideach loiscneach atá i ndán dóibh. 6b Is geal leis an Tiarna an fhíréantacht: agus feicfidh na fíréin a aghaidh.

Salm 58:9

Go leá siad amhail seilide a ndéantar sláthach de, amhail toircheas anabaí nach bhfaca riamh an ghrian.

Salm 83:15

Mar a loisceann an tine an choill, mar a loisceann an lasair na sléibhte,

Irimia 18:17

Mar a dhéanfadh an ghaoth anoir scaipfidh mé iad roimh an namhaid. Tabharfaidh mé cúl dóibh agus ní hí m'aghaidh, ar lá a dtruamhéile.”

Hóisé 13:15

Cé gur fhás sí suas go borb i measc a muintire, tiocfaidh an ghaoth anoir uirthi, gaoth an Tiarna a éireoidh ón bhfásach; agus triomófar a foinse agus rachaidh a tobar i ndísc. (Creachfaidh sí a chuid maoine agus a earraí luachmhara uile.)

Matha 7:27

thit an bháisteach ansin agus tháinig na tuilte sléibhe agus shéid na gaotha, agus bhuail siad an teach sin agus thit sé, agus ba mhór an titim í.”